Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada 2 er adam bir áıeldi jynystyq quldyqta ustaǵan

2020 jyldyń 21 qyrkúıek 2020 13:59

NUR-SULTAN. QazAqparat – Qyzylorda oblysynda eki er adam jynystyq quldyq úshin kúshtep ustaǵan áıel qutqaryldy. Bul týraly QR ІІM Krımınaldyq polıtsııa departamentiniń basshysy Dýman Taev aıtyp berdi, dep habarlaıdy QazAqparat tilshisi.

«Qyzylorda oblysynda eki er adam seksýaldyq quldyq úshin bir áıeldi apta boıy páterde kúshtep ustaǵan. Qazirgi ýaqytta áıel bosatyldy jáne QR Qylmystyq kodeksiniń 126-baby boıynsha qylmystyq is tergelip jatyr», - dedi departament basshysy mınıstrlik uıymdastyrǵan aptalyq brıfıngte.

Sonymen birge, Almatyda bes aı boıy 16 jastar qyzdy jezókshelikke úgittegen áıelder ustaldy.

«Kúdiktiler jasóspirim týraly aqparatty ınternet-resýrstarǵa júktegen jáne jynystyq qyzmet kórsetý boıynsha habarlandyrý jasaǵan. Bul oqıǵa boıynsha Qylmystyq kodekstiń 134-babyna sáıkes («Kámeletke tolmaǵan adamdy jezókshelikpen aınalysýǵa tartý») is qozǵaldy. Polıtsııa anyqtaǵan adam saýdasynyń barlyq qurbandaryna arnaıy jáne áleýmettik kómek uıymdary járdemdesti», - dedi Dýman Taev.

Spıkerdiń aıtýynsha, QR Qylmystyq kodeksiniń 8 babynda jaýapkershilik qarastyrylǵan, ondaǵy eń úlken jaza – múlkin tárkilep, 18 jylǵa deıin bas bostandyǵynan aıyrý. Atalǵan normalarǵa sońǵy ózgerister 2019 jyldyń jeltoqsanynda engizilgen. Adam múshelerin saýdalaý, jasóspirimder saýdasy men jezókshelikke tartý úshin jazalar kúsheıtilgen.

Aıta keteıik, Qazaqstanda 1200 adam iz-tússiz joǵalǵandar sanatynda tur.

Qazaqstanda jyl saıyn 80-ge jýyq turǵyn adam saýdasynyń qurbany bolady. Jyl saıyn adam saýdasyna qatysty 180-ge jýyq is qozǵalady. Mundaı qylmys karantın kezinde de tirkelgen.

Ótken aptada elimizde aýqymdy «STOP trafık» operatsııasy júrgizildi jáne úsh kúnde polıtsııa qyzmetkerleri adam saýdasyna qatysty 50-den astam qylmysty anyqtady.

Aqtóbe men Jambyl oblystarynda sharýa qojalyqtarynda quldyqta bolǵan azamattar qutqaryldy.


Joǵary qaraı