Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda jol apatynan 3 adam kóz jumdy

2020 jyldyń 20 qyrkúıek 2020 17:21

KÓKShETAÝ. QazAqparat – Aqmola oblysynda bir táýliktiń ishinde jol apatynan 3 adam kóz jumdy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, qyrkúıektiń 19-da Astrahan aýdandyq polıtsııa bóliminiń kezekshilik bólimine aýdandyq aýrýhananyń feldsheri habarlasyp, Astrahan aýylynyń Dostyq kóshesinde jaıaý júrginshini kólik qaǵyp ketkendigin aıtqan.

«Oqıǵa ornyna barǵan tártip saqshylary qyrkúıektiń 19-da keshki saǵat 20:50 shamasynda Dostyq kóshesiniń boıymen ketp bara jatqan «Nıva» kóliginiń 57 jastaǵy júrgizýshisi joldyń arǵy betine ótpek bolǵan 51 jastaǵy er adamdy qaǵyp ketken. Ol alǵan aýyr dene jaraqatynan aýrýhanada kóz jumdy», - deıdi vedomstvodan.

Sonymen birge, «Jaqsy-Derjavınsk» tas jolynyń 67 shaqyrymynda jol apaty boldy. Bul týraly Jaqsy aýdandyq polıtsııa bóliminiń kezekshilik bólimine 31 jastaǵy jergilikti turǵyn habarlaǵan.

Anyqtalǵandaı, Nur-Sultannan Arqalyq qalasyna ketip bara jatqan Qostanaı oblysynyń 19 jastaǵy turǵyny tizgindegen «Lada-21703» kóliginiń sol jaq dóńgelegi tesilip, kólik orǵa jyǵylǵan. Sonyń saldarynan kóliktiń 19 jastaǵy júrgizýshi men 18 jastaǵy jolaýshysy oqıǵa ornynda kóz jumǵan.

«Qazirgi kezde eki jol apatyna baılanysty Qylmystyq kodekstiń 345 babynyń 3 bóligi boıynsha sotqa deıingi tergeý amaldary júrgizilýde», - dep tolyqtyrdy vedomstvodan.


Avtor Aslan Ospanov
Basty sózder: Aqmola oblysy, Kólik, Oqıǵa,
Joǵary qaraı