Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Kókshetaýda qutqarýshy men órt sóndirýshi jaǵa jyrtysty

2020 jyldyń 18 qyrkúıek 2020 21:54

KÓKShETAÝ. QazAqparat – Aqmola oblystyq TJD bastyǵy Alekseı Sovetov órt sóndirý, apatty-qutqarý jumystary qyzmetiniń qyzmetkerleri arasynda bolǵan tóbeles týraly aıtty, dep habarlaıdy QazAqparat tilshisi vedomstvonyń baspasóz qyzmetine silteme jasap.

Vedomstvo basshysynyń aıtýynsha, qyrkúıektiń 16-17 kúnderi aralyǵynda túnde jumystan tys ýaqytta órt sóndirý, apatty-qutqarý jumystary qyzmetiniń qyzmetkerleri arasynda turmystyq janjal oryn alǵan.

Osynyń saldarynan bir qyzmetker aýrýhanaǵa túsip, oǵan medıtsınalyq kómek qajet bolǵan. Qazirgi kezde onyń ómirine qaýip tónip turǵan joq.

«PD osy jaǵdaıǵa baılanysty sotqa deıingi tergeý amaldaryn júrgizýde. Qylmystyq kodekstiń 201-babyna sáıkes tergeý múddesi úshin sotqa deıingi tergeý barysy týraly málimetter jarııalanbaıdy. TJD komıssııa quryp, qyzmettik tergeý júrgizip jatyr», - deıdi Alekseı Sovetov.

Vedomstvo basshysy keleńsiz jaǵdaı jumys ýaqytynan tys, ekeýara túsinispeýshilikten týyndaǵan turmystyq janjal dep otyr.

«Tergeý sharalary aıaqtalǵan soń kináliler qatań tártiptik jazamen shektelip qalmaıdy, sonymen birge, qylmystyq jazaǵa da tartylady. Ózge aqparat anyqtalǵan soń keıin habarlanady» dep tolyqtyrdy Alekseı Sovetov.


Avtor Aslan Ospanov
Basty sózder: Aqmola oblysy, Oqıǵa, Zań,
Joǵary qaraı