Aýa raıy
Astana -13 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

«Qyzyl shek»: DSM koronavırýsqa baılanysty qatań shara qandaı jaǵdaıda qoldanylatynyn túsindirdi

2020 jyldyń 18 qyrkúıek 2020 18:47

NUR-SULTAN. QazAqparat - Qazaqstanda koronavırýsqa shaldyǵyp, aýrýhanaǵa túsken naýqastar sany 30 myń adamǵa jetkende karantın sharalary qatańdatylady. Bul týraly QR Densaýlyq saqtaý mınıstrliginiń resmı ókili Baǵdat Qojahmetov aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda jýrnalıster resmı ókilden: «Áleýmettik jelide Qazaqstanda koronavırýstyń ekinshi tolqyny kelgen jaǵdaıda kóktemdegi jaǵdaı qaıtalanady deýshiler bar. Qaýip bar ma, oqıǵa damýynyń eń nashar stsenarııi ázirlengen be?», - dep suraǵan edi.

«Bul rette ózimiz-aq oı eleginen ótkizip, dóp túsýimizge bolady. Búginde Qazaqstannyń densaýlyq saqtaý júıesinde kez kelgen sátte statsıonarlarda 70 myńnan astam koronavırýs juqtyrǵandarǵa tósek-oryn daıyndaı alady. Bul «qyzyl shek« sanalady. Qazirgi ýaqtta elimizde ortasha eseppen 500 -600 naýqas anyqtalyp jatyr. Eger bul sany 30 myńǵa jetetin bolsa, onda bul elimizde eń qatań karantın sharalaryn engizý úshin basty belgi sanalady», - dedi ol.

Onyń aıtýynsha, koronavırýstyń ortasha jáne aýy rformasymen aýyrǵandardy qamtý úshin elimizge 5 myń ókpeni jasandy jeldetý apparaty qajet. Búginde bul apparattar satyp alynyp, aýrýhanalarǵa jetkizilgen. Apparattardyń 1,5 myńy Qazaqstanda jasalǵan.

«Elimiz boıynsha juqpaly aýrýlar aýrýhanalarynyń, provızorlyqtyń ortalyqtardyń basym bóligi, aýrýhanalardyń barlyǵy ottegi kontsentratymen qamtamasyz etilgen. Ol aýyr formadaǵy naýqastardy emdeýde óte tıimdi tásil sanalady. 3,5 myńnan astam utqyr brıgada quryldy. Bul dáriger men medbıkesi bar jedel kómek kórsetý avtomobıli sanalady. Eger tórtinshi sanattaǵy qońyraý túsetin bolsa, onda olar shaqyrtý ornyna jedel attanyp, qajettilik týyndaǵan jaǵdaıda sol jerde-aq patsıentke kez kelgen tekserý júrgize alady», - dedi resmı ókil.


Joǵary qaraı