Aýa raıy
Astana -13 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Chek berilmegeni týraly habarlaǵan qazaqstandyqtarǵa syılyq beriledi

2020 jyldyń 18 qyrkúıek 2020 12:02

NUR-SULTAN. QazAqparat - «Azamattyq baqylaý – chek talap et» jyl saıynǵy aktsııasy 12 mamyrdan bastap ótýde. Osy aktsııa aıasynda azamattar fıskaldyq chektiń berilmeýi nemese bank kartasyn qabyldaýdan bas tartý buzýshylyqtary týraly habarlaýyna bolady, dep jazady QazAqparat tilshisi.

Memlekettik kirister komıtetiniń málimdeýinshe, «Azamattyq baqylaý – chek talap et» aktsııasyna kez kelgen azamat qatysa alady. Barlyq jiberilgen aryzdar memlekettik kirister organdarynda qaralady.

Fıskaldyq chektiń berilmeýi nemese bank kartasyn qabyldaýdan bas tartý buzýshylyq faktileri týraly App Store jáne Play market-ten «Wipon» aqysyz mobıldi qosymshasyn júktep habarlaýǵa jáne buzýshylyq faktisi rastalǵan jaǵdaıda telefon shotyna (1000 teńge) syıaqy alýǵa bolady.

Aǵymdaǵy jyly aktsııa bastalǵaly azamattardyń habarlamalary boıynsha 3 000 buzýshylyq faktisi rastaldy jáne 3 mln. teńge somaǵa syıaqy tólendi (onyń ishinde qaıta buzýshylyq jasaǵan 90 kásipker 2,6 mln. teńge aıyppul tóleýge tartyldy).

Memlekettik kirister komıteti Qazaqstan Respýblıkasynyń barlyq azamattaryn ózderiniń azamattyq ustanymyn bildirýge, zań buzýǵa múldem tózbeýshilik kórsetýge jáne «Azamattyq baqylaý – chek talap et» aktsııasyna belsendi qatýsyǵa shaqyrady.


Joǵary qaraı