Aýa raıy
Astana -8 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Baǵdat Mýsın: Aldaǵy ýaqytta memlekettik qyzmetti eGov-tan ǵana emes, barlyq jerden alýǵa bolady

2020 jyldyń 18 qyrkúıek 2020 10:11

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın tanymal advokat Johar Ótebekovtyń eGov-qa qatysty shaǵymyna jaýap berdi, dep habarlaıdy QazAqparat tilshisi.

Aıta ketsek, buǵan deıin Johar Ótebekov eGov.kz portalyn synǵa alǵan edi. Onyń aıtýynsha «Elektrondy úkimetke» júkteýge bolatyn faıldar beske, al kólemi 10 MB-ǵa deıin azaıǵan. Advokattyń klıenti polıtsııaǵa salmaqty faıldarǵa salynǵan aryzyn engize almapty. Sonymen birge Johar Ótebekov TJ kezinde 42 500 teńge ala almaı álek bolǵan azamattardyń máselesin kóterip, nelikten sol tusta «Ulttyq aqparattyq tehnologııalar» kompanııasynyń basshysyn jumystan shyǵarylmaǵanyn suraǵan bolatyn.

Advokattyń bul shaǵymyna Baǵdat Mýsın Facebook paraqshasynda jaýap berdi.

Onyń habarlaýynsha eGov.kz budan bylaı onlaın rejımde memlekettik qyzmet kórsetetin monopolııalyq tereze bolmaıdy. ıAǵnı, memlekettik qyzmetti budan bylaı barlyq jerde, tipti Kaspıı banktiń mobıldi qosymshasynan da alýǵa bolady. Jýyq arada jumys tolyqqandy retke keltirilip, mınıstrlik bul ózgerister týraly málimet taratpaq.

«Sondaı-aq eGovMobile-ǵa kirý bıometrııa boıynsha júrgiziledi. ıAǵnı, kez kelgen azamat mobıldi qosymshany júktep alyp, telefonǵa júzin kórsetse boldy, qoldanýshy bolyp shyǵa keledi. Tipti bul ádis óz tarapynan ETsQ-ny da almastyrýǵa qaýqarly. Ótinishtermen jumys isteý ádisin WhatsApp-qa mátin jazǵandaı jeńil etkimiz keledi», - deıdi ol.

Mınıstrdiń aıtýynsha «Ulttyq aqparattyq tehnologııalar» kompanııasyna úlken jaýapkershilik júktelgen. Alaıda bul baǵyttaǵy quzyretterdiń birshamasy mınıstrlikterge bólingen.

«Jańǵyrý kerektigin bilemiz. Sol baǵytta jumys ta júrgizemiz», - deıdi ol.





Joǵary qaraı