Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda Smart Nation júıesi arqyly 71 623 sábı balabaqshaǵa joldama aldy

2020 jyldyń 17 qyrkúıek 2020 17:36

NUR-SULTAN. QazAqparat – Túrkistan oblysynda Smart Nation júıesi engizildi. Atalǵan júıe arqyly jalpy orta bilim berý uıymdary pedagogtardyń jumysqa qabyldaýdy rettep, mektep dırektorlaryn konkýrstyq taǵaıyndaý protsesine adamı faktordy toqtatýǵa bolady.

Bul týraly AntikorLive baǵdarlamasynda aıtyldy, dep habarlaıdy QazAqparat tilshisi.

«Túrkistan oblysynda Smart Nation júıesi engizildi. Atalǵan júıe arqyly jalpy orta bilim berý uıymdary pedagogtardy jumysqa qabyldaýdy retteı alady, sondaı-aq dırektorlardy konkýrstyq taǵaıyndaý protsesine adamı faktordy toqtatýǵa bolady. Júıege 8456 pedagog pen tehnıkalyq qyzmetkerdiń bos jumys oryndary týraly habarlamalar ilindi. Nátıjesinde 2243 adam jumysqa qabyldandy. Onyń 1479-y – pedagog, 764-i – tehnıkalyq qyzmetker», - deıdi Túrkistan oblysy ákiminiń orynbasary Sáken Qalqamanov.

Onyń aıtýynsha, Túrkistanda mektepke jumysqa turý úshin para berý kerek degen áńgime qalyptasyp qalǵan.

«Bul máseleni joıdyq dep aıta almaımyz, biraq soǵan kele jatyrmyz. Dırektorlar jáne jumysqa ornalasatyn baratyn azamattardyń baılanysyn úzdik dep aıtýǵa bolady. Óıtkeni qazir qujattardy tapsyrý úshin eshkimniń kabınetine kirmeýge bolady. Smart Nation júıesiniń taǵy bir jaqsy tusy – balabaqshaǵa búldirshinderdi qabyldaýdy retteıdi. Qazirgi ýaqytta 82 136 bala osy júıe arqyly kezekke turyp, olarǵa elektrondy túrde 71 623 joldama berildi.

Bıyl daryndy balalar oqıtyn mektep-ınternatqa qabyldaý da avtomattandyrylyp, 54 751 oqýshy mektepke atalǵan portal arqyly qabyldandy.


Joǵary qaraı