Aýa raıy
Astana -8 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Premer-Mınıstr tsıfrlyq tehnologııalardy qoldanatyn kásiporyndardy yntalandyrý múmkindigin pysyqtaýdy tapsyrdy

2020 jyldyń 15 qyrkúıek 2020 10:25

NUR-SULTAN. QazAqparat – Búgin Úkimet otyrysynda QR Premer-Mınıstri Asqar Mamın tsıfrlyq tehnologııalardy qoldanatyn kásiporyndardy yntalandyrý múmkindigin pysyqtaýdy tapsyrdy, dep habarlaıdy QazAqparat tilshisi.

«Qazirgi ýaqytta, álemdik ekonomıkada taýar aınalymynyń ósý qarqyny jahandyq ekonomıkanyń ósý qarqynynan da tómen deńgeıge deıin baıaýlap jatyr. Aldaǵy jyldary ótkizý naryqtarynyń ósý qarqyny esebinen ekstensıvti damý shekteýli bolady. Sondyqtan syrtqy suranys úshin básekelestikke kóp mán beriledi», - dedi Úkimet basshysy.

Premer-Mınıstr osyǵan baılanysty ónimniń sapasy men túrleri, qosylǵan qun kólemi men básekege qabilettiligi birinshi orynǵa shyǵatyndyǵyn aıtty

«Biz únemi monıtorıng júrgizip, ulttyq óndiristik áleýetimizdi jáne onyń tehnologııalyq áleýetin arttyrýymyz qajet. Osy baǵyttaǵy statıstıka men halyqaralyq reıtıngter únemi baqylaýda bolýy tıis. Sondyqtan jańa tehnologııalardy óndiristik protseske engizý - bizdiń mańyzdy mindetimiz.

Osyǵan oraı Indýstrııa mınıstrligine bul baǵyttaǵy jumysty kúsheıtip, tsıfrlyq jáne ınnovatsııalyq tehnologııalardy qoldanatyn kásiporyndardy qosymsha yntalandyrý múmkindigin pysyqtaýdy tapsyramyn. Tsıfrlyq damý mınıstrligi óndiristik protseske ozyq tehnologııalardy, ásirese, robottar men jasandy ıntellektti engizý deńgeıine monıtorıngti kúsheıtsin», - dedi ol.

Asqar Mamın Memleket basshysy Úkimetke jyldyń sońyna deıin «Ónerkásiptik saıasat týraly» zań ázirleýdi tapsyrǵanyn da atap ótti.

«Zań jobasyn ázirleý kezinde strategııalyq basymdyqty, negizgi ındıkatorlardy anyqtaý, sondaı-aq ónerkásiptiń jańa sektorlaryn qoldaý sharalaryn keńeıtý óte mańyzdy. Indýstrııa mınıstrligine qazannyń sońyna deıin zań tujyrymdamasynyń jobasyn ázirlep, Úkimetke engizýdi tapsyramyn», - dedi Premer-Mınıstr.


Joǵary qaraı