Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov 2021 jylǵy UBT-ǵa engiziletin alǵashqy jańashyldyqtardy atady

2020 jyldyń 15 qyrkúıek 2020 10:14

NUR-SULTAN. QazAqparat – Bilim jáne ǵylym mınıstri Ashat Aımaǵambetov 2021 jylǵy Ulttyq biryńǵaı testileý júıesine engiziletin jańashyldyqtardy atady, dep habarlaıdy QazAqparat tilshisi.

«Áriptesterimizben testileýdi (UBT) ótkizý rásimin jetildirý kerek degen qorytyndyǵa keldik. Tsıfrlandyrý dáýirinde komıssııa quramynda birneshe myń adamnyń bolýyn qamtamasyz etý úshin 1,5 mıllıard teńge jumsaýǵa jol berilmeýi kerek, onyń ústine bunyń nátıjesi – tıimsiz. Sondyqtan bul rásim zamanaýı proktorıng pen beınebaqylaý júıesi qamtamasyz etilgen elektrondy formatqa ótedi», - dep jazdy mınıstr Facebook paraqshasynda.

Ashat Aımaǵambetov suraqtardyń mazmuny áli de kóńilinen shyqpaıtynyn jetkizdi.

«Sońǵy birneshe jylda testileý suraqtarynyń bazasyn jańartý boıynsha jumys júrgizilgendigine qaramastan suraqtardyń basym bóligi áli de qajetsiz faktilerdi jattap, este saqtaýǵa baǵyttalǵan. Sodan keıin birinshi orynǵa synı oılaý men fýnktsıonaldyq saýattylyqty qoımasa, jattandy aqparatty avtomatty túrde aıtý arqyly oqý protsesiniń mańyzdylyǵy joǵalady. Fýnktsıonaldyq saýattylyqqa mán berý jáne bilimdi ómirde qoldanatyn kez keldi. Endi, aldymyzda testiń bazasyn SAT, PISA sekildi testerdiń úlgisi boıynsha tolyq jańartý máselesi tur. Bul múldem basqa sıpattaǵy tapsyrmalar, ıaǵnı teste jattap alýǵa, kóshirýge múmkindik bermeıtin suraqtar bolýy kerek. Talapkerler tapsyratyn pánder boıynsha da naqty sheshim qabyldaý qajet», - deıdi ol.

Mınıstr UBT-ny mekteptegi qorytyndy emtıhanǵa jáne joǵary oqý ornyna túsý emtıhanyna bólgennen keıin qajetti quzyrettilikterdi baǵalaý tásilderin ózgertý boıynsha da múmkindik týǵanyn habarlady. Sebebi UBT mektepte alǵan bilimin baǵalaý emes, joǵary oqý ornyna túserde ózi tańdaǵan mamandyǵy boıynsha bilim alýǵa degen daıyndyǵyn baǵalaý mańyzdy.

«Saýatty, ári túsinikti suraqtar. Bul – aldaǵy ýaqytta atqaratyn óte aýqymdy ári mańyzdy jumys. Atalǵan sharanyń barlyǵy aldyn ala ǵylymı derekterdiń negizinde sarapshylar men pedagogterdiń talqylaýy arqyly qabyldanatyny sózsiz. Sodan keıin ǵana naqty sheshim qabyldanady», - dep túıdi Ashat Aımaǵambetov.


Joǵary qaraı