Aýa raıy
Astana -12 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda óńdeýshi ónerkásip óndirisi 5 jyldyń ishinde keminde 1,5 ese artady

2020 jyldyń 15 qyrkúıek 2020 10:00

NUR-SULTAN. QazAqparat – Óńdeýshi ónerkásip óndirisin 5 jyldyń ishinde keminde 1,5 ese arttyrýymyz qajet. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Memleket basshysy Qasym-Jomart Kemeluly Toqaev óz Joldaýynda ındýstrııalyq damý boıynsha Úkimetke birqatar mańyzdy mindetter júktedi. Onyń ishinde óńdeýshi ónerkásip óndirisin 5 jyldyń ishinde keminde 1,5 ese arttyrýymyz qajet. Osy jylǵy 8 aıda óńdeýshi ónerkásipte oń dınamıka qalyptasyp, 3,3 paıyzǵa ósti. Bul kórsetkishke pandemııa men álemdik ekonomıkadaǵy quldyraýǵa qaramastan qol jetkizildi», - dep atap ótti Úkimet basshysy.

Osy oraıda ol bıyl Indýstrııalandyrý kartasy aıasynda jalpy somasy 996 mlrd teńgege 206 jobany iske qosý josparlanǵanyn atap ótti.

«Bul óndiris kólemin 1,3 trln teńgege, eksportty 325 mlrd teńgege ulǵaıtýǵa jáne 19 myń jumys ornyn ashýǵa múmkindik beredi. Salalar boıynsha jobalardyń negizgi bóligi mashına jasaýǵa, taý-ken metallýrgııa keshenine, agroónerkásiptik keshenge, energetıkaǵa tıesili. Almatydaǵy «Hyundai» jáne Qostanaıdaǵy «Chevrolet» jeńil avtokólikterin qurastyrý búgingi tańda ındýstrııalandyrýdyń jarqyn úlgisi bolyp otyr, Qaraǵandy oblysynda tehnıkalyq gaz óndirý jobasy men altyn óndiretin fabrıka iske qosyldy», - dedi Premer-Mınıstr.

Onyń aıtýynsha, mashına jasaý salasynyń damýy lokalızatsııa deńgeıin jáne Qazaqstanda shyǵarylatyn quramdastardyń nomenklatýrasyn birneshe myńǵa keńeıtýge yqpal etedi. Bul óndirister jumys oryndarynyń sanyn ulaıtady.

«Qurylatyn Kásipkerlikti damytý qory kásiporyndardy 3 paıyzdan aspaıtyn mólsherleme boıynsha qoljetimdi kredıt berý arqyly kásiporyndardy keńeıtý men jańǵyrtýǵa baǵyttalady», -dedi ol.


Joǵary qaraı