Aýa raıy
Astana -10 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Ýkraınada Eýropaǵa gaz ótkizetin qubyr jaryldy

2020 jyldyń 15 qyrkúıek 2020 08:35

KIEV. ÝKRINFORM - QazAqparat – Kıev oblysynyń Chabany eldimekeninde Eýropaǵa gaz jetkizetin jáne kenttiń janynan ótetin joǵary qysymdy gaz qubyrynda (Ýrengoı-Pomary-Ýjgorod) sańylaý paıda bolǵan, dep habarlaıdy QazAqparat Ýkrınform agenttigine silteme jasap.

Bul týraly Chabany kentiniń keńesi habarlaǵan.

Qazir biteýish ornatyldy, gazdyń shyǵýy toqtady.

«Sizderden tynyshtyq saqtaýlaryńyzdy suraımyz, qajet bolǵan jaǵdaıda Ýkraınanyń tótenshe jaǵdaılar qyzmeti ókilderiniń nusqaýlaryn qatań saqtańyzdar», - delingen habarlamada.

Áleýmettik jelilerde jergilikti turǵyndar qatty daýysty estigenderin aıtady, al keıbir tilshiler buny gaz qubyryndaǵy jarylys dep boljap otyr.

«14.09.2020 jyly saǵat 00.30-da Kıev-Svıatoshınskıı aýdanynyń Chabany kentinde joǵary qysymdy qubyr jaryldy. Barlyq apattyq-qutqarý qyzmetteri oqıǵa ornynda, jaqyn eldi mekenderde elektr qýaty óshirilgen, gazben jabdyqtaýdy toqtatý sharalary júrgizilýde. Túngi saǵat 1:15-te qubyrdy jaýyp tastady «, - dep jazdy Kıevtiń turaqty polıtsııa komıssııasynyń tóraǵasy Sergeı Gýlıev.

Sonymen qatar, avtorlardyń biri Tsentralnoe pole kóshesinde órt sóndirý mashınalary turǵanyn habarlady. Jergilikti turǵyndar eldimekenniń birneshe kóshesinde jaryq óshirilgenin habarlady.


Basty sózder: Álem, Oqıǵa,
Joǵary qaraı