Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola turǵyny tanysyn óltirip, denesin bólshektep qoranyń ishine kómip tastaǵan

2020 jyldyń 14 qyrkúıek 2020 22:56

KÓKShETAÝ. QazAqparat – Aqmola oblysynda aýyr qylmys jasady degen kúdikpen 34 jastaǵy er adam ustaldy, dep habarlaıdy QazAqparat tilshisi.

«Kúdiktige Bulandy aýdanynyń turǵyny, 57 jastaǵy tanysyn óltirdi dep aıyp taǵylyp otyr. Tergeý barysynda anyqtalǵandaı, kúdikti tanysymen aqpan aıynyń sońynda janjaldasyp qalǵan. Keıin ony óltirip, denesin bólshektep, qoranyń ishine kómip tastaǵan», - deıdi oblystyq PD baspasóz qyzmetindegiler.

Vedomstvonyń málimetinshe, qaza bolǵan er adamnyń týystary ony bir aı boıy ózderi izdegen. Artynsha naýryzdyń 25-de Bulandy aýdandyq PB Nur-Sultan qalasyna jumys izdep ketken 57 jastaǵy aǵalaryn izdep tabýǵa kómek surap ótinish beripti.

«Jedel izdestirý sharasy barysynda tamyzdyń 9-da polıtsııa qyzmetkerleri Bulandy aýdanynyń 34 jastaǵy turǵynynyń osy iske qatysy baryn anyqtady. Anyqtalǵandaı, 2020 jyldyń aqpan aıynda ekeýi birge araq ishken. Keıin sózge kelip qalǵan kúdikti 57 jastaǵy er adamdy óltirgen. Qylmysty jasyrý úshin basy men aıaq-qoldaryn kesip, peshke jaqqan, al denesin qoranyń ishine kómgen» dep tolyqtyrdy vedomstvodan.

Osyǵan baılanysty polıtsııa qyzmetkerleri 10 tamyzdaǵy qylmystyq isti Qylmystyq kodekstiń 99-babynyń 1-bóligine aýystyrdy.

34 jastaǵy er adam qamaýǵa alyndy.


Avtor Aslan Ospanov
Basty sózder: Oqıǵa, Aqmola oblysy, Zań,
Joǵary qaraı