Qaýipsizdik Keńesinde ónerkásip jáne órt qaýipsizdigin qamtamasyz etý máseleleri talqylandy

NUR-SULTAN. QazAqparat - Qaýipsizdik Keńesiniń Apparatynda ýákiletti memlekettik organdar ókilderiniń qatysýymen órt jáne ónerkásip qaýipsizdigin qamtamasyz etý, sondaı-aq osy saladaǵy buzýshylyqtardyń aldyn alý máseleleri boıynsha keńes ótti, dep habarlaıdy QazAqparat.

Keńes qorytyndysy boıynsha qaýipti hımııalyq zattardyń, janǵysh jáne jarylys qaýpi bar materıaldardyń aınalymdaryna tartylǵan, qaýiptiligi joǵary obektilerde, sondaı-aq turmystyq qatty qaldyqtar polıgondarynda órt jáne ónerkásip qaýipsizdigin qamtamasyz etý boıynsha naqty tapsyrmalar berildi.

Adamdar jappaı jınalatyn oryndarda, gaz-tehnıkalyq jumystar óndirisinde, sondaı-aq medıtsınalyq mekemelerde ottegimen jaraqtandyrýdy paıdalaný kezinde órt qaýipsizdigin qamtamasyz etý boıynsha profılaktıkalyq jumystar júrgizýge asa nazar aýdarylýy tıis ekeni aıtyldy.