Aýa raıy
Astana -10 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede karantın kezinde 70-ten astam toı men eske alý sharasy ótken

2020 jyldyń 15 tamyz 2020 15:21

AQTÓBE. QazAqparat - Aqtóbede karantın kezinde 70-ten astam toı men eske alý sharasy ótken. Ákimshilik hattama toltyrylyp, jaýapqa tartylady, dep habarlaıdy QazAqparat tilshisi.

Aqtóbe oblysy PD-niń qyzmetkerleri 5 shildeden bastap elimizde engizilgen karantın rejıminiń saqtalýyn baqylady. Tekserý nátıjesinde polıtsııa qyzmetkerleri ÁQBtK-niń 425-baby boıynsha 785 buzýshylyqty anyqtady. Onyń ishinde 71 jappaı saltanatty, eske alý sharasy anyqtaldy. Onyń ishinde Aqtóbe qalasy, Shalqar, Baıǵanın, Yrǵyz jáne Alǵa aýdandarynda úılený toıy ótkizilgen.
«Yrǵyz aýdandyq polıtsııa bóliminiń qyzmetkerleri aýlasynda úılený toıyn ótkizgenderdi anyqtady. Polıtsııa qyzmetkerleri osy fakti boıynsha sheshim qabyldaý úshin oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentine materıaldy jiberdi», - dedi oblystyq PD baspasóz qyzmetiniń jetekshisi Erbolat Sarqulov.
Karantın rejımine qarsy nemese sanıtarlyq rejımdi buzyp, jumys istegen dúkenderge, saýda ortalyqtaryna qatysty anyqtalǵan 184 quqyqbuzýshylyq tirkeldi.

Barlyq zańsyzdyq boıynsha polıtsııa qyzmetkerleri ákimshilik hattama toltyryp, oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentine shara qabyldaý úshin jiberildi.

Polıtsııa departamenti aqtóbelikterdi karantın rejımin saqtaýǵa, buqaralyq is-sharalardy ótkizbeýge jáne qatyspaýǵa, sondaı-aq qoǵamdyq oryndar men adamdar kóp jınalatyn oryndarǵa barǵan kezde qajetti jeke qorǵanys quraly qoldanýǵa shaqyrady.


Joǵary qaraı