Aýa raıy
Astana -18 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

ShQO ákimi Semeı medıtsınalyq mekemelerine jańa avtokólik kiltterin tabys etti

2020 jyldyń 11 tamyz 2020 05:31

ÓSKEMEN. QazAqparat – Búgin Shyǵys Qazaqstan oblysynyń ákimi Danıal Ahmetov jumys saparymen Semeıge keldi. Aımaq basshysy qalanyń medıtsınalyq mekemelerine jańa avtokólik kiltterin tabys etti, dep habarlaıdy QazAqparat tilshisi.

«Іndet tarap jatqan tusta dárigerlerge mobıldi bolý óte mańyzdy. Bul kólikterdi dárigerler men medbıkeler paıdalaný kerek. Sondaı-aq biz Semeıge jaqyn arada taǵy bir kompıýterlik tomograf alamyz. Ol №2 qalalyq aýrýhanaǵa jetkiziledi», – dedi Danıal Ahmetov.

Semeı qalasynda búginde jalpy sany 360 myńnan astam adam tirkelgen 23 medıtsınalyq-sanıtarlyq mekeme jumys isteýde.

«Búgin qala dárigerlerine 19 qyzmettik kóliktiń kilti tabystaldy. Pandemııa bastalǵaly beri bizge qoldaý kórsetip kele jatqan oblys basshylyǵyna rızashylyǵymyzdy bildiremiz», - deıdi №3 qalalyq emhananyń bas dárigeri, qalalyq jedel shtab múshesi, medıtsınalyq máseleler jónindegi úılestirýshi Naılıa Almeneva.

Esterińizge sala keteıik, shilde aıynyń basynan bastap oblys ákiminiń tapsyrmasy boıynsha óńirde 373 mobıldi brıgada qurylǵan bolatyn. Búgingi tańda 19 jańa avtokólik alǵashqy medıtsınalyq-sanıtarlyq kómek júıesine jiberildi. Osy jyly qosymsha qajetti medıtsınalyq jabdyqtary bar taǵy 216 jedel járdem kóligi satyp alynbaq. Oblystyq bıýdjet esebinen 100 avtokólik medıtsınalyq mekemelerge 1 qyrkúıekke deıin jiberiletin bolady.


Joǵary qaraı