Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda karantın bastalǵaly jumysyn toqtatpaǵan meıramhanalar anyqtaldy

2020 jyldyń 11 tamyz 2020 03:07

QOSTANAI.QazAqparat – Ótken demalys kúnderi Qostanaı oblysynda 405 ret lokdaýn tártibi buzylǵan. Bul týraly oblystyń Polıtsııa departamentiniń baspasóz qyzmeti aqparat taratty, dep habarlaıdy QazAqparat.

Oblystyń polıtsııa qyzmetkerleri kúsheıtilgen rejımde qyzmet atqaryp, saıabaqtarda, skverlerde jáne jaǵalaýlarda reıd uıymdastyrdy. Arnaıy qurylǵylar men drondardyń kómegimen sýǵa túskender anyqtalyp, ózen jaǵasynda demalys uıymdastyrǵandarǵa aıyppul salyndy.

«Senbi jáne jeksenbi kúnderi bas sanıtarııa dárigeriniń qaýlysynda kórsetilgen talaptar buzyldy. Máselen, 9 tamyzda «Belaıa ıýrta» demalys bazasynda 60 adamnyń qatysýymen toı jasalǵan. Jangeldın aýdanynyń Torǵaı aýylynda 30 adamnyń qatysýymen betashar rásimi ótken. Sondaı-aq, Qostanaı qalasyndaǵy «Aragvı» jáne «Tobyl» meıramhanalary karantın bastalǵaly ruqsatsyz óz qyzmetin júzege asyrdy», delingen polıtsııanyń aqparatynda.

Sonymen qatar oblys ortalyǵy men Rýdnyı qalasynda lokdaýn rejımi kezinde jumys istegen saýnalar men monshalardyń qyzmeti ýaqytsha toqtatyldy.


Avtor Bek Mustafa
Basty sózder: Koronavırýs, Zań, Qostanaı oblysy,
Joǵary qaraı