Aýa raıy
Astana -2 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Gúlmıra Saǵıdýllına: Іndet kezinde onkologııalyq naýqastardyń em qabyldaýy úzilgen joq

2020 jyldyń 9 tamyz 2020 15:40

ÓSKEMEN. QazAqparat – Koronavırýs pandemııasy jarııalanǵaly beri ShQO Onkologııa jáne hırýrgııa ortalyǵynyń jumys rejımi ózgergen. Onkologııalyq dertterge shaldyqqandar arasynda úzdiksiz em-dom qabyldaıtyndar bar bolǵandyqtan birden jańasha formatqa aýysý ońaı bolmaǵany anyq. Alaıda naqty jospar quryp, júıeli jumys istegen medıtsınalyq mekeme mamandary bar qıyndyqty ońaı eńserdi. Bul jaıly QazAqparat tilshisine ortalyq dırektory Gúlmıra Saǵıdýllına aıtyp berdi.

«Jahanǵa jaıylǵan juqpaly dert elimizge jetkende birden tıisti sharalardy qabyldadyq. Eń áýeli qatań karantın jarııalap, ortalyqqa bógde adamdarǵa kirýge tyıym salyndy. Osynda jatqan naýqastardyń týǵan-týystary men jaqyndaryna kelýge ruqsat berilmeı, alyp kelgen zattary dezınfektsııalandy. Bizdiń negizi maqsatymyz – onkologııalyq aýrýlarǵa dýshar bolǵandardyń keshendi em qabyldaýyn toqtatpaý boldy. Mysaly, patsıentke birinshi ota jasalyp, sosyn hımııa, sáýle terapııasy men ońaltý sharalary júrgizilýi múmkin. Osynyń bári úzilissiz jasalǵany durys», - deıdi Gúlmıra Saǵıdýllına.





Onyń aıtýynsha, koronavırýs pandemııasyna qaramastan bıyl em-dom qabyldaǵan naýqastardyń sany ótken jylǵymen salystyrǵanda azaımaǵan. Sondaı-aq patsıentter arasynda vırýs juqtyrý faktisi tirkelmes úshin medıtsınalyq mekeme qyzmetkerlerine de tıisti jaǵdaı jasalypty.

«Elimizde tótenshe jaǵdaı jarııalanǵanda qoǵamdyq kólikterge shekteý qoıylǵany belgili. Osy oraıda biz barlyq qyzmetkerlerdi úıden tasymaldaýdy uıymdastyrdyq. Ortalyǵymyz dezınfektsııalyq qurylǵylarmen, jeke bas gıgıena zattarymen tolyqtaı qamtamasyz etildi. Dárigerler arnaıy kıimmen jumys isteıtin boldy», - deıdi ShQO Onkologııa jáne hırýrgııa ortalyǵynyń dırektory.





Osy oraıda «Karantın engizilgennen keıin onkologııalyq dertterge shaldyqqandar qalaı tekserilip, qabyldandy?» degen zańdy suraq týyndaıdy. Gúlmıra Saǵıdýllına óz sózinde onlaın-keńes berý uıymdastyrylǵanyn aıtty.

«Mysaly, buryn aýdandardaǵy naýqastar bizge joldama alyp tekserýden ótetin. Demek, olar eki jaqta sendelip, kóp ýaqytyn joǵaltatyn edi. Qazir patsıent ózi turyp jatqan jerdegi onkolog dárigerge qaralǵan soń beıneqońyraý arqyly osynda habarlasady. Bizdiń mamandar barlyq tekserý qorytyndylarymen jiti tanysyp, qosymsha saýaldar qoıyp baryp sheshim qabyldaıdy. Qajet bolǵanda, Óskemendegi ortalyqqa shaqyrady. Bekitilgen standarttarǵa sáıkes, onkologııalyq naýqastyń dıagnozy anyqtalǵannan keıin 31 kún ótpeı em-dom qabyldaı bastaýy kerek. Osyndaı onlaın keńestiń arqasynda bul protsesti barynsha jedeldettik», - deıdi ol.





Atalmysh ortalyq jyl saıyn jańa zamanaýı qurylǵylarmen qamtamasyz etilýde. Mundaǵy mamandar da shetelge baryp, biliktilikterin arttyrýda.

«Ambýlatorııalyq em qabyldaıtyn naýqastar da az emes. Olar oblystyń ár aýdanynda kezdesedi. TJ jarııalanǵan soń bul patsıentter bizge kelip preparattardy ala almaıtyn bolǵandyqtan, olarǵa 3 aıdyń dári-dármegin ózimiz jetkizip berdik. Qaladaǵy naýqastar da úzdiksiz em alýy úshin qabyldaıtyn preparattaryn úılerine deıin aparyp tastadyq. ıAǵnı eshkim de nazarsyz qalmady. Budan bólek, ortalyqta jatqandardyń ımmýnıtetin kóterý úshin 5 ýaqyt tamaqtandyryp, óz qarajatymyzǵa qosymsha keshki as berýdemiz. Demeýshiler de tabylyp, bizge azyq-túlik jetkizýde», - deıdi Gúlmıra Saǵıdýllına.





Joǵary qaraı