Aýa raıy
Astana 5 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Belarýste Prezıdent saılaýyna negizgi daýys berý bastaldy

2020 jyldyń 9 tamyz 2020 11:02

MINSK. BELTA-QazAqparat – 9 tamyzda Belarýste Prezıdent saılaýyna negizgi daýys berý bastaldy, dep habarlaıdy QazAqparat BELTA agenttigine silteme jasap.

Belarýs prezıdenttigine úmitkerler: Andreı Dmıtrıev, Anna Kanopatskaıa, Aleksandr Lýkashenko, Svetlana Tıhanovskaıa jáne Sergeı Cherechen.

OSK-da 153 aýmaqtyq saılaý komıssııasy jáne 5723 ýchaskelik komıssııa quryldy. Daýys berý úshin 5767 ýchaski quryldy, onyń ishinde 231-i – sanatorıılerde, profılaktorıılerde, demalys úılerinde, aýrýhanalarda jáne statsıonarlyq jaǵdaıda medıtsınalyq kómek kórsetetin basqa densaýlyq saqtaý uıymdarynda, 13-i – áskerı bólimderde jáne 44-i – Belorýssııadan tys jerlerde.

Saılaý ýchaskeleri 8:00-de ashyldy. Saılaýda 6 836 585 adam daýys bere alady. 248 halyqaralyq jáne 50 myńǵa jýyq ulttyq baqylaýshylar bolady.

Belarýs prezıdentiniń saılaýy tikeleı ótedi. Memleket basshysyn tikeleı belarýs halqy saılaıdy. Daýys berý qupııa túrde júrgiziledi. Eger daýys berýge saılaýshylar tizimine engizilgen azamattardyń jartysynan astamy qatyssa, saılaý ótti dep tanylady. Eger memleket basshysyn daýys berýge qatysqan saılaýshylardyń jartysynan astamy qoldasa, sol prezıdent bolyp saılandy dep esepteledi.

Basty sózder: Saılaý, Belarýs,
Joǵary qaraı