Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Kóbeıtuzdyń balshyǵyn áketpek bolǵandar qandaı jaza tartty

2020 jyldyń 8 tamyz 2020 11:41

KÓKShETAÝ. QazAqparat – Ereımentaý aýdanyndaǵy Kóbeıtuz kóliniń balshyǵyn áketpek bolǵan elordalyqtar ákimshilik kodekstiń birden úsh baby boıynsha jaýapqa tartyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvodan atap ótkendeı, Nur-Cultan qalasynyń eki turǵyny, erli-zaıyptylar tyıym salynǵanyna qaramastan dala jolymen blokposty aınalyp ótip Kóbeıtuz kóline barǵan. Olar kólge baryp qana qoımaı, kóldiń balshyǵyn alyp ketpek bolǵan. Ereımentaý aýdandyq polıtsııa qyzmetkerleri astanalyqtardyń ákimshilik kodeks boıynsha birneshe zań buzýshylyq jasaǵanyn anyqtady.

«Osyǵan baılanysty 58 jastaǵy er adam men onyń áıeliniń ústinen QR ÁQbK 364 baby (ortaq sýdy paıdalaný erejesin buzý) boıynsha ákimshilik hattama toltyryldy. Sonymen birge, karantın talabyn buzǵandary úshin QR ÁQbK 425 baby (halyqtyń sanıtarııalyq-epıdemıologııalyq salamattylyǵy salasyndaǵy zańnamasynyń talaptaryn, sondaı-aq gıgıenalyq normatıvterdi buzý) boıynsha jáne QR ÁQbK 139 baby (jer qoınaýyna memlekettik menshik quqyǵyn buzý) boıynsha is materıaldary jınalyp, oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti, oblystyq ekologııa departamentine joldandy», - deıdi vedomstvodan.

Osy rette, tártip saqshylary karantın rejımin buzǵandar jaýapkershilik tartylatyn eskertedi, sondaı-aq tabıǵy resýrstarǵa uqyptylyqpen qaraýǵa shaqyrady.

Eske sala keteıik, osyǵan deıin habarlaǵanymyzdaı QR Ekologııa mınıstrligi men BAQ ókilderiniń qatysýymen Kóbeıtuz kóline uıymdastyrylǵan reıd barysynda elordalyq otbasylyq juptyń kóldiń balshyǵyn áketpek bolǵany anyqtalǵan edi.

Sonymen birgen, tamyzdyń 7-de «Feısbýk» áleýmettik jelisin qoldanýshy Qulpash Qońyrova óziniń jeke paraqshasynda osy týraly jarııalaǵan bolatyn.


Avtor Aslan Ospanov
Basty sózder: Ekologııa, Aqmola oblysy,
Joǵary qaraı