Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda qoqys órtep 3 MVt elektr qýatyn óndiretin zaýyt salynady

2020 jyldyń 7 tamyz 2020 22:51

TARAZ. QazAqparat – Taraz qalasynda qoqys órteıtin zaýyt salynady. Bul týraly oblys ákimdiginde ótken apparattyq keńeste aıtyldy, dep habarlaıdy QazAqparat tilshisi.

Úkimet Tarazdy qoqys órteıtin zaýyttardyń qurylysy bastalatyn 6 qalanyń tizimine engizgen. Búginde halyqaralyq jasyl tehnologııalar men ınvestıtsııalyq jobalar ortalyǵynyń mamandary jergilikti qatty qaldyqtar men olardyń morfologııalyq quramyn ólshep, geologııalyq zertteýler júrgizip úlgergen.

Joba boıynsha zaýyt 50 myń tonna qoqysty órtep, bir ýaqytta 3 MVt elektr qýatyn óndiredi. Investıtsııa kólemi shamamen 5 mıllıard teńgeni quraıdy. Jergilikti bılik polıgonnyń janynan bes gektar jer bólip, ınfraqurylym tartý qajet.

Oblys aýmaǵyndaǵy stıhııalyq qoqys, tazalanbaıtyn konteınerlerge qatysty áleýmettik jelide shaǵym jıi aıtylady. Bul ózekti másele oblys ákimi Berdibek Saparbaevtyń tóraǵalyǵymen ótken kezekti apparattyq keńestiń negizgi taqyryby retinde jan-jaqty saralandy.

Oblystyq tabıǵı resýrstar jáne tabıǵat paıdalanýdy retteý basqarmasynyń basshysy Aslan Orazbekovtiń aıtýynsha, aımaqta 163 qoqys polıgony bar, onda úsh 3 mln tonnaǵa jýyq qatty qaldyq jınalǵan. Olardyń 65-i áli qorshalmaǵan.

Bıyl alty aıda taǵy 21,6 myń tonna qaldyq jınalsa, onyń 11,9 paıyzy suryptalǵan. Búgingi tańda bul protseske aıryqsha nazar aýdarylady. Óıtkeni bul ekologııalyq tazalyq jáne qaldyqtardy barynsha tıimdi paıdalaný men joıýdyń negizgi tetigi.

Bul turǵyda birinshiden adamdardy qaldyqty bólek jınaýǵa úıretý jáne oǵan jaǵdaı jasaý jaıy mańyzdyraq. Degenmen sheshimin kútken másele az emes. Aıtalyq qarapaıym ǵana qoqys jáshigi jetkiliksiz. Tıisti uıymdar kúnine eki ret konteınerdi tazalap, bosatyp otyrýy kerek. Bir Taraz qalasynyń ózinde osy ispen aınalysatyn 8 kásiporyn bar, olar 150 myńnan astam abonentke qyzmet kórsetedi. Al oblys boıynsha mundaı 23 kásiporyn bar.

Jalpy oblys boıynsha 3,5 myńnan astam konteıner jetispeıdi. Taraz qalasynyń ákimdigi 700 konteıner alýǵa ótinish berse, qazirge deıin onyń 200-i kelgen. Qala ákimi Aıtqazy Qarabalaevtyń aıtýynsha, arnaıy tehnıkalar jetispeýshiligi týyndaǵan. Alaıda bul másele birtindep kezeń-kezeńimen sheshilip jatyr. Jaqynda ǵana taǵy tórt qondyrǵy satyp alynǵan. Aımaq basshysy Berdibek Saparbaev óz avtoparkin jańartý qyzmet kórsetýshi kompanııalardyń basty mindeti bolýy tıis ekenin atap ótti.

Taǵy bir másele – konteınerlerdiń ornalasý normasynyń durys anyqtalmaýy. Sonyń saldarynan, jeke sektor turǵyndary qoqysyn kóppáterli úıge arnalǵan konteınerlerge salyp otyrady. Budan bólek,óz konteıneri men qyzmet kórsetýshi kompanııamen kelisimsharttyń ShOB sýbektileri, birinshi kezekte qyzmet kórsetý salalary bolýy tıis. Qurylys qaldyqtaryna arnalǵan arnaıy polıgonnyń bolmaǵandyqtan tolyp ketken konteınerler men qoqys úıilip jatqan alańdar kóp kezdesedi.

Ǵarysh monıtorıngi 168 qoqys úıindisiniń bar ekenin anyqtady, olardyń 97-i joıyldy.

«Aldaǵy áreketterdiń tıimdiligi boıynsha suraq kóp. Mysaly stıhııalyq polıgondar taban astynda paıda bolady. Bul tıisti baqylaý men túsindirý jumysynyń joqtyǵyn kórsetedi. Meniń orynbasarymnyń basshylyǵymen jumys tobyn qurýdy, jaǵdaıdy taldap, qoqys máselesin sheshýdiń tıimdi strategııasyn tańdaýdy tapsyramyn. Bul ulttyń densaýlyǵyna qatysty ótkir másele ekenin esten shyǵarmaýymyz kerek. Qaldyqty suryptap, tıisti tsehtar men shaǵyn zaýyttar qurýǵa basty nazar aýdarý kerek. Zamanaýı qoqysty óńdeıtin zaýyt salýǵa qabiletti ınvestorlarmen jumys ta jandandyrýdy qajet etedi. Qyzmet kórsetý uıymdarmen jasalǵan kelisimsharttarǵa konteıner alańdaryn tazalaý týraly erejeni mindetti túrde engizý qajet. Qoqysty kóringen jerge beı-bereket tastap, úıindige aınaldyrǵany úshin de jazany qataıtyp, túsindirý jumysyn barynsha júrgizý kerek. Turǵyndar arasynda tek óz úıin ǵana emes, týyp-ósken qalasyn da taza ustaýǵa úndep, qoǵamdastyq mádenıetin qalyptastyrýymyz kerek», – dedi oblys ákimi.


Avtor Qajy Murat
Basty sózder: Jambyl oblysy, Energetıka, Ákim,
Joǵary qaraı