Aýa raıy
Astana -10 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Almaty óńiriniń áýe shabýylyna qarsy qorǵanys júıesine kenet tekseris júrgizildi

2020 jyldyń 6 tamyz 2020 22:15

ALMATY. QazAqparat - QR Qarýly kúshter Bas shtabynyń arnaıy taǵaıyndalǵan komıssııasy Áýe shabýylyna qarsy qorǵanys áskeri bólimderi men bólimsheleriniń jaýyngerlik ázirligin jáne áýe keńistigin qorǵaý boıynsha jaýyngerlik kezekshilikti atqarý sapasyn tekserdi, dep habarlaıdy QazAqparat tilshisi.

«Qorǵanys mınıstri Nurlan Ermekbaevtyń nusqaýy boıynsha áýe shabýylyna qarsy qorǵanys bólimderiniń turaqty jaýyngerlik ázirligin tekserý maqsatynda tutqıyldan shabýyl jasaý faktoryn paıdalana otyryp, áýeaılaqtardan áýe keńistigin buzǵan shartty qarsylasqa barynsha jaýyngerlik jaǵdaıǵa jaqyn bola otyryp soqqy beretin jáne barlaý pılotsyz apparattar ushyryldy.

ÁShQQ áskerleriniń Bas komandalyq pýnktinde áýe shabýylyna qarsy qorǵanys bólimsheleriniń kezekshi kúshteriniń is-qımylyn mınıstrdiń birinshi orynbasary-QR QK Bas shtabynyń bastyǵy general-leıtenant Murat Bektanov baqylap otyrdy», delingen habarlamada.

Tekserý kezinde Áýe shabýylyna qarsy qorǵanys áskeriniń kezekshi kúshteri bıikte emes óte alasa ushatyn áýe nysanyn anyqtap, olardy áýe keńistigin buzýshy retinde tanyp, zenıttik zymyran bólimshesiniń qarýymen (shartty túrde) joıýy tıis.

Almaty óńirlik garnızonynyń ÁShQQ áskerleri bólimderiniń kezekshi quraldary anyqtaý jáne alyp júrý algorıtmin oryndaı otyryp, naqty ýaqyt rejıminde yqtımal áýe qarsylasynyń ushý apparatyn (shartty túrde) joıdy. Jaýyngerlik jumystyń tıimdiligi úshin shartty jaýdy aspanǵa ustaýǵa jaqyn mańdaǵy avıabazadan joıǵysh ushaqtar da kóterildi. Oqý-jaýyngerlik tapsyrma pysyqtaldy.

Sonymen qatar, komıssııa shaǵyn kólemdegi nysandardy, onyń ishinde pılotsyz ushý apparattaryn ustaý jáne joıýǵa qatysty áýe shabýylyna qarsy qorǵanysty uıymdastyrýdaǵy jekelegen kemshilikti anyqtady. Tekserý nátıjesi boıynsha esepter men ekıpajdardyń is-qımylyna neǵurlym egjeı-tegjeıli taldaý júrgiziledi jáne ÁShQQ júıesin jetildirý jónindegi sharalar kesheni ázirlenedi.

Áýe shabýylyna qarsy qorǵanys áskerleri áýe keńistigin paıdalaný tártibiniń saqtalýyn úzdiksiz baqylaýdy júzege asyra otyryp, táýlik boıy jaýyngerlik kezekshilik atqarady.


Joǵary qaraı