Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda naýqastarǵa ballon tasyǵan sportshylar aýrýhanadaǵy jumysyn aıaqtady

2020 jyldyń 6 tamyz 2020 10:52

ATYRAÝ. QazAqparat – Atyraýda bir aıǵa jýyq tynysy tarylǵan naýqastarǵa ottegi ballondaryn tasyp, kómek kórsetken sportshylar aýrýhanadaǵy jumysyn aıaqtady, dep habarlaıdy QazAqparat.

Óńirlik kommýnıkatsııalar qyzmetiniń málimetine súıensek, jergilikti sportshylar oblystyq aýrýhanaǵa shildeniń basynda kómekke kelgen. Keıin aýdandyq aýrýhanalardaǵy aq halatty abzal jandarǵa qol ushyn berip, «las aımaqta» da jumystar atqarǵan.

«Biz dárigerlerdiń jumysyn jeńildetip, naýqastarǵa qoldaý kórsetýdi kózdedik. Atyraý oblysynyń sportshylary qaı kezde de halyqpen birge bolady. Qaýipti indetti birligimizdiń nátıjesinde jeńe alamyz. Qazirgi ýaqytta naýqastar sany azaıyp, emdelýshilerdiń kóbi ottegi ballonyn paıdalanbaıtyndyqtan biz aýrýhanadaǵy jumysymyzdy aıaqtadyq. Muny jaqsylyqtyń nyshany dep bilemiz», - dedi oblystyq olımpıada rezervin daıarlaý ortalyǵynyń ádiskeri Nurlybek Daralıev.

Aýrýhanalar dárigerlerine kómek kórsetken sportshylardyń bári bir apta buryn koronavırýs ınfektsııasyna test tapsyrǵan. Test qorytyndysy teris nátıje kórsetken. Al, oblystyq aýrýhananyń basshylyǵy sportshylardyń atqarǵan jumysyna alǵysyn bildirdi.

Eske sala ketelik, budan buryn Atyraýda oblystyq aýrýhana kúrdeli operatsııalardy jasaýǵa daıyndalyp jatqanyn jazyp edik.



Avtor Bek Mustafa
Basty sózder: Atyraý oblysy, Medıtsına,
Joǵary qaraı