Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstanda egin oraǵy bastaldy

2020 jyldyń 6 tamyz 2020 04:28

PETROPAVL. QazAqparat – Soltústik Qazaqstan oblysynda astyq orý naýqany bastalyp, bul jaıynda óńir basshysy Qumar Aqsaqalov áleýmettik paraqshasynda jarııalady, dep habarlaıdy QazAqparat tilshisi.

Astyqty óńirde bıyl kúzgi oraq ádettegiden erte bastalyp otyr. Kóktemnen bastalǵan qarbalastyń nátıjesi – bitik shyqqan egin. Dıqandarǵa endi osy baılyqty bir dánin shashaý shyǵarmaı jınap alý mindeti tur.

«Astyqty ýaqtyly jınap alý úshin dıqandar jańa tehnologııalardy qoldanyp, tehnıkany jańartýda. Sońǵy 3 jylda ınvestıtsııa kólemi 72 mlrd teńgeden 107 mlrd teńgege deıin ósti. Bıyl bul salaǵa 55 mlrd teńge tartyldy», - dep jazdy Qumar Aqsaqalov facebook-tegi paraqshasynda.

Óńir basshysynyń aıtýynsha, aýyl sharýashylyǵyn damytýǵa qomaqty ınvestıtsııa tartýmen qatar, memleket sońǵy 3 jylda agrarlyq salaǵa 116 mlrd teńge baǵyttady. Tek bıyldyń ózinde óńir dıqandaryna 48 mlrd teńgege kómek kórsetildi. Osyndaı qoldaýdyń arqasynda dıqandar aýa-raıynyń qolaısyzdyǵyna qaramastan jaqsy ónim ala alady.

SQO Aýyl sharýashylyǵy jáne jer qatynastary basqarmasynyń málimetinshe, bıyl 4,2 mln ga alqapqa dándi daqyl sebilse, sonyń 2,8 mln ga bıdaı.

Egis alqaptaryn ártaraptandyrý maqsatynda kóktemde 932 myń ga nemese barlyq egistiktiń 22 % maıly daqyl sebildi. Sondaı-aq 353 ga jemshóptik daqyl, 34 myń ga kartop jáne 6 myń ga kókónis egildi.

Budan buryn SQO dıqandary ónim sapasyn arttyrý úshin ózderi suıyq tyńaıtqysh shyǵaratyn shaǵyn zaýyttardy ashyp jatqanyn aıtqan edik.

Sondaı-aq bıylǵy egin oraǵyna 5 myńǵa jýyq sý jańa zamanaýı tehnıka shyqpaq.




Joǵary qaraı