Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs juqtyrý jaǵdaıynyń táýliktik ósimi 1,2 paıyzdan aspaıdy - Asqar Mamın

2020 jyldyń 4 tamyz 2020 09:29

NUR-SULTAN. QazAqparat - Elimizde koronavırýstyq ınfektsııa tirkelgen jaǵdaılardyń táýliktik ósim deńgeıi 1,2 paıyzdan aspaıdy. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Jalpy eldegi sanıtarlyq-epıdemıologııalyq jaǵdaı jaqsaryp kele jatqanyn kórip otyrmyz. Koronavırýstyq ınfektsııa tirkelgen jaǵdaılardyń táýliktik ósim deńgeıi 1,2 paıyzdan aspaıdy. Qazirgi ýaqytta emdelip shyqqan adamdar barlyq aýrý juqtyrǵan adamdardyń 69,4 paıyzyn quraıdy. Qalǵan naýqastar qajetti medıtsınalyq kómek alýda. Aýrýhanalardyń júktemesi 36 paıyzǵa deıin tómendedi. Densaýlyq saqtaý mınıstrliginiń derekteri boıynsha apta qorytyndysynda ınfektsııanyń reprodýktıvtik deńgeıi 1-den tómen kelesi oblystardy atap ótýge bolady. Olar - Atyraý, Aqtóbe, Mańǵystaý, Qyzylorda, Shyǵys Qazaqstan, Jambyl, Túrkistan, Pavlodar oblystary jáne Nur-Sultan, Shymkent, Almaty qalalary», - dedi Premer-Mınıstr.

Sonymen qatar Úkimet basshysy ınfektsııanyń reprodýktıvtik deńdeıi Qostanaı men Aqmola oblystarynda 1-den joǵary tirkelgenin atap ótti.

«Bul óńirlerdiń ákimderi epıdemııaǵa qarsy sharalardy kúsheıtýge asa nazar aýdarýy qajet. Aýrý juqtyrǵan azamattardy emdeý jáne vırýstyń taralýyn tómendetý jónindegi qarqyndy jumysty, onyń ishinde sanıtarlyq normalardy, maska kııý rejımin saqtaý týraly túsindirý naýqanyn jalǵastyrý kerek»,- dedi Asqar Mamın.

Úkimet basshysynyń aıtýynsha, qazirgi tańda álemdik statıstıtka 126 memlekette aýrý juqtyrǵandar sanynyń jańa ósimin kórsetip otyr.

«Іndettiń jańa tolqyny kúzde paıda bolýy múmkin jáne oǵan daıyn bolýmyz kerek. Onyń aldyn alý úshin barlyq belgilengen talaptardyń saqtalýyn qamtamasyz etip, josparlanǵan sharalardyń keshenin iske asyrý qajet», - dedi ol.


Joǵary qaraı