Aýa raıy
Astana 5 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Stepnogorskide PHD-qaldyqtaryn ýtılızatsııalaý zaýyty bolmaıdy – Ekologııa mınıstrligi

2020 jyldyń 3 tamyz 2020 13:30

NUR-SULTAN. QazAqparat - Stepnogorsk qalasynda quramynda polıhlordıfenıl bar (PHD) qaldyqtardy ýtılızatsııalaý zaýyty salynbaıdy.

Bul týraly búgin Stepnogorsk qalasynyń ekologııa máselelerine arnalǵan beınekonferentsııa barysynda Ekologııa, geologııa jáne tabıǵı resýrstar vıtse-mınıstri Ahmetjan Pirimqulov málimdedi.

Qazirgi zamanǵy qondyrǵyny ornalastyrý úshin óńirden tys balamaly ýchaske aıqyndalatyn bolady.

Konferentsııaǵa 40-tan astam adam qatysty, olar Stepnogorsk qalasynyń basshysy Erkebulan Baıahmetov, «Jasyl damý» AQ basshylyǵy, Qazaqstannyń ekologııalyq uıymdary qaýymdastyǵy, turaqty organıkalyq lastaǵyshtarmen jumys jónindegi sarapshylar, qoǵam qaıratkerleri jáne Stepnogorsk qalasynyń bastamashyl tobynyń ókili Vıacheslav Cherepkov.

Qatysýshylar PHD-qaldyqtardy saqtaý máselesine erekshe nazar aýdardy. Oǵan táýelsiz sarapshy Ámına Beıbitovanyń qorytyndysy usynyldy.

«Qaldyqtar halyqaralyq aktiler men Ulttyq ekologııalyq zańnamanyń talaptaryna sáıkes qaıta oralǵan, qaptama materıaly BUU talaptaryna sáıkes sertıfıkattalǵan jáne tańbalanǵan, sondaı-aq tasymaldaý, qaıta tıeý jáne saqtaý kezinde aǵyp ketý men zaqymdanýdy (korrozııany) boldyrmaıdy»,- delingen sarapshynyń qorytyndysynda.

Sarapshylar «Ekolıýks-AS» JShS qoımasyndaǵy PHD - qaldyqtar qaptamasynyń qorǵalý deńgeıi halyqaralyq aktilermen belgilengen qajetti talaptardan birneshe ese asyp túskenin atap ótti.

Mınıstrlik ókilderi «Ekolıýks-AS» JShS qoımalaryn qarap, beınekonferentsııa barysynda: «PHD saqtaý sharttary zańnamanyń barlyq talaptaryna sáıkes keledi jáne qorshaǵan orta men halyqtyń densaýlyǵyna qaýip tóndirmeıdi», - dep túıindedi.

Óz kezeginde, mınıstrlik «Qazgıdromet» RMK mamandarynyń PHD-qaldyqtardy ýaqytsha saqtaý qoımasy aýmaǵyndaǵy aýa men topyraq sapasyna turaqty monıtorıng júrgizý máselesin qarastyrýda.

«QR Ekologııa, geologııa jáne tabıǵı resýrstar mınıstrligi Stepnogorsk qalasyndaǵy jaǵdaıdy baqylaýda ustaıdy jáne osy óńirdegi ózekti ekologııalyq máselelerdi talqylaý boıynsha birqatar kezdesýler ótkizýge nıetti»,-delingen mınıstrliktiń habarlamasynda.


Basty sózder: Aqmola oblysy, Ekologııa, Ónerkásip,
Joǵary qaraı