Aýa raıy
Astana -2 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada jemqorlyq jaıly habarlaǵandar 1 mln teńgeden astam syıaqy aldy

2020 jyldyń 2 tamyz 2020 22:45

KÓKShETAÝ. QazAqparat - Aqmolada jemqorlyq faktileri týraly habarlaǵan turǵyndarǵa 1,1 mln teńge kóleminde syıaqy berilgen, dep habarlaıdy QazAqparat oblystyń sybaılas jemqorlyqqa qarsy qyzmetine silteme jasap.

Sybaılas jemqorlyqqa qarsy is-qımyl agenttiginiń Aqmola oblysy boıynsha departamenti qylmystyq isterdi tergeý nátıjesi boıynsha turaqty negizde olardy jasaýǵa yqpal etken mán-jaıdy joıýǵa jáne aldaǵy ýaqytta osyndaı faktilerdi boldyrmaýǵa baǵyttalǵan sharalar qabyldap keledi.

Osy turǵyda memlekettik organdar men uıymdarǵa Qylmystyq-protsestik kodekstiń 200-baby negizinde sybaılas jemqorlyq sebepteri men jaǵdaılaryn joıý úshin usyný engiziledi.

Bıyl alǵashqy jartyjyldyqta oblystyń sybaılas jemqorlyqqa qarsy qyzmeti osyndaı 64 usynys engizdi. Olardy qaraý boıynsha ótkizilgen kezdesýlerge 500-den astam memlekettik qyzmetshi men túrli uıym qyzmetkerleri qatysty.

Qaralǵan usynystardyń nátıjesi boıynsha 49 laýazymdy tulǵa tártiptik jaýapkershilikke tartyldy, onyń jeteýi jumystan bosatylǵan. Jartysynan kóbi sógis pen eskertý aldy (35 adam), sondaı-aq 7 adamǵa qyzmetine tolyq sáıkes emestigi týraly eskertildi. Bul rette jazalanǵandar arasynda 16 basshy bolǵanyn aıta ketý qajet.

Sonymen qatar, bıylǵy alty aıda sybaılas jemqorlyq faktileri týraly habarlaǵan 7 adam 1 161 520 teńge somasyna yntalandyryldy. Bul kórsetkish - ótken jyldyń 12 aıynyń nátıjesine teń jáne sybaılas jemqorlyqqa nóldik tózimdilikti qalyptastyrýǵa azamattardyń úlken belsendiliginiń kórinisi.

Sybaılas jemqorlyqqa qarsy qyzmet agenttiktiń 1424 Sall-ortalyǵy táýlik boıy jumys isteıtinin eske salady.


Joǵary qaraı