Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Jaqsylyq Úshkempirov elimizde sport salasynyń keń qanat jaıýyna atsalysty - Prezıdent

2020 jyldyń 2 tamyz 2020 18:38

NUR-SULTAN. QazAqparat - Memleket basshysy Qasym-Jomart Toqaev dańqty palýan, Qazaqstannyń Eńbek Eri Jaqsylyq Úshkempirovtiń otbasyna kóńil aıtty, dep habarlaıdy Aqorda.

Prezıdent Qasym-Jomart Toqaev álemge tanymal dańqty palýan, Olımpıada chempıony, Halyqaralyq dárejedegi sport sheberi, Qazaqstannyń Eńbek Eri, belgili kásipker Jaqsylyq Ámiráliuly Úshkempirovtiń dúnıeden ótýine baılanysty onyń otbasy men jaqyndaryna kóńil aıtyp, jedelhat joldady.

«Jaqsylyq Ámiráliuly elimizde sport salasynyń keń qanat jaıýyna atsalysty jáne jastarǵa úlgi boldy. Óńirlerdi órkendetý maqsatynda sport keshenderin salyp, jas sportshylardyń ósip-jetilýi jáne aýyl sharýashylyǵynyń damýy jolynda qyrýar is atqardy. Eseli eńbegimen, azamattyq qadir-qasıetimen el ishinde qurmetke bólenip, sońynda óshpes iz qaldyrdy. Marqumnyń jany jánnatta, ımany salamat bolsyn», — delingen jedelhatta.

Eske salaıyq, búgin Jaqsylyq Úshkempirov qaıtys boldy.

Sondaı-aq, Elbasy Jaqsylyq Úshkempirovtiń jaqyndaryna kóńil aıtty.



Joǵary qaraı