Aýa raıy
Astana -2 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Kólikte, úı aýlasynda maska taǵý mindetti me

2020 jyldyń 1 tamyz 2020 11:51

NUR-SULTAN. QazAqparat – Eger adam kólikte kele jatsa, maska taǵýǵa mindetti me? Bul suraqqa Densaýlyq saqtaý mınıstrligi jaýap berdi, dep habarlaıdy QazAqparat www.coronavirus2020.kz saıtynyń telegram kanalyna silteme jasap.

«Eger qoǵamdyq kólikte (avtobýs, poıyz, ushaq keme nemese taksı) bolsa, onda mindetti. Al eger jeke kólik bolsa, mindetti emes.

Munda jeke kólikte, bir otbasy múshelerine maska taǵý mindettelmeıdi. Biraq biz maska taǵý aýrý qaýpin 30% tómendetetinin kórsetetin ǵylymı negizdemeni eskere otyryp, ony taǵýǵa keńes beremiz», delingen habarlamada.

Sondaı-aq, mınıstrlik óz úıleriniń aýlalarynda maska taqpaýǵa, al kóp qabatty úı aýlasynda maskany taǵyp júrýge mindetteletin jetkizdi.

«Jeke úıdiń aýlasynda taqpaýǵa bolady. Kóp qabatty turǵyn úıdiń aýlasynda júrse, maska taǵýy kerek. Bes jasqa deıingi balalardy qospaǵanda, sondaı-aq áleýmettik qashyqtyqty saqtaı otyryp, otbasy músheleriniń serýendeý kezinde de betperde taǵýy qajet», - dep tolyqtyrdy mınıstrlik.

Eske sala ketsek, 30 shildeden bastap qazaqstandyqtar kóshede maska taǵyp júrýge mindetteldi. Bul týraly eldiń Bas sanıtarlyq memlekettik dárigeri Aıjan Esmaǵambetovanyń qaýlysynda aıtylǵan.

Keıinnen Densaýlyq saqtaý mınıstri Alekseı Tsoı bul ereje tek eresekterge ǵana emes, balalarǵa da qatysty ekenin túsindirdi.

Sonymen qatar, ol jeke qorǵanys quraldaryn barlyq qoǵamdyq oryndarda, sonyń ishinde dámhanalarja, sportpen shuǵyldaný kezinde jáne basqalarynda kııý kerek ekenin aıtqan bolatyn. Sondaı-aq mınıstrdiń buıryǵymen elimizde 5 jasqa deıingi balalarǵa maska taqpaı júrýge ruqsat berildi.


Joǵary qaraı