Aýa raıy
Astana 8 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Qasym-Jomart Toqaevtyń atyna Qurban aıt merekesine baılanysty quttyqtaýlar kelip tústi

2020 jyldyń 31 shilde 2020 15:35

NÚR-SULTAN. QazAqparat - Memleket basshysy Qasym-Jomart Toqaevtyń atyna Qurban aıt merekesine oraı shet memleketterdiń Prezıdentteri men halyqaralyq uıymdardyń basshylarynan quttyqtaý hattary men jedelhattary kelip túsýde, dep habarlaıdy Aqordanyń resmı saıty.

Ózbekstan Prezıdenti Shavkat Mırzıeev óziniń quttyqtaýynda Qasym-Jomart Toqaevtyń eki el arasyndaǵy dostyq pen baýyrlastyqty, saýda-ekonomıkalyq, áleýmettik, rýhanı-aǵartýshylyq baǵyttaǵy qatynastardy, sondaı-aq, halyqtarymyzdyń ortaq syn-qaterlerge qarsy kúrestegi yntymaqtastyǵyn jan-jaqty nyǵaıtýǵa zor úles qosqanyn atap ótken.

Qyrǵyzstan Prezıdenti Sooronbaı Jeenbekov eki el halqynyń múddesi úshin Qyrǵyzstan men Qazaqstan arasyndaǵy strategııalyq seriktestik, dostyq, odaqtastyq jáne tatý kórshilik baılanystar Qasym-Jomart Toqaevtyń tikeleı qoldaýymen odan ári nyǵaıa túsetinine senim bildirdi.

Tájikstan Prezıdenti Emomalı Rahmon Qasym-Jomart Toqaevpen birlese otyryp, Tájikstan men Qazaqstan arasyndaǵy tyǵyz yntymaqtastyqty nyǵaıtýǵa jáne keńeıtýge baǵyttalǵan ózara yqpaldastyqty jan-jaqty ilgeriletýge nıetti ekenin jetkizgen.

Túrikmenstan Prezıdenti Gýrbangýly Berdimuhamedov Qasym-Jomart Toqaevqa zor densaýlyq, baqyt jáne onyń qolǵa alǵan barlyq bastamalary men ıgi isterine tabys, al baýyrlas Qazaqstan halqyna baq-bereke tiledi.

Túrkııa Prezıdenti Rejep Taııp Erdoǵan óziniń quttyqtaý hatynda «Jeke ózimniń jáne halqymnyń atynan Qurban aıt merekesimen shyn júrekten quttyqtaımyn. Qazir bastan keshirip jatqan qıyn-qystaý kezeńde bizdi biriktiretin osy qasıetti merekede Sizge zor densaýlyq, baqyt, al baýyrlas Qazaqstan halqyna beıbitshilik, baq-bereke tileımin», – dep jazǵan.

Memleket basshysyn Qurban aıt merekesine oraı quttyqtap, jyly lebiz bildirgen quttyqtaý jedelhattaryn Ázerbaıjan Prezıdenti Ilham Álıev, Iran Prezıdenti Hasan Rýhanı, Egıpet Prezıdenti Abdel Fattah As-Sısı, Iordanııa Koroli II Abdalla, Bahreın Koroli Sheıh Hamad ben Isa Ál-Halıfa, Oman Sultany Haısam ben Tarıq, Marokko Koroli VI Muhammed, Aljır Prezıdenti Abdelmadjıd Tebbýn, Aýǵanstan Prezıdenti Ashraf Ǵanı, Palestına basshysy Mahmýd Abbas pen Fılıppın kóshbasshysy Rodrıgo Dýterte, sondaı-aq, Islam yntymaqtastyǵy uıymynyń Bas hatshysy ıÝsef ben Ahmad Ál-Oseımın, ISESKO-nyń Bas dırektory Salım M.Ál-Malık, Kavkaz Musylmandary Basqarmasynyń tóraǵasy, TMD Dinaralyq keńesiniń teńtóraǵasy, sheıh-ýl-ıslam Allahshúkir Pasha-zade joldady.

Quttyqtaý jedelhattary áli de kelip túsip jatyr.


Joǵary qaraı