Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda dári-dármek boıynsha turaqtandyrý qory quryldy

2020 jyldyń 31 shilde 2020 06:38

ATYRAÝ. QazAqparat – Atyraý oblysynda dári-dármektiń turaqtandyrý qory ashyldy, dep habarlaıdy QazAqparat.

Óńirlik kommýnıkatsııalar qyzmetiniń málimetinshe, turaqtandyrý qory dári-dármek pen medıtsınalyq maqsattaǵy buıymdardy 4 mıllıon 800 myń teńgege satyp alǵan. Bul maqsatqa 500 mıllıon teńge bólingen. Sońǵy eki aptada 100 tonna dárilik preparat ákelingen. Oblys ákimdiginiń qoldaýymen preparattardy aýdandarǵa jedel jetkizý máselesi sheshildi.

Aldaǵy eki kúnde taǵy 40 tonna dárilik zatty keledi dep josparlanyp otyr. «Atyraý» ÁKK jáne dıstrıbıýtor kompanııa 40 túrli dári-dármektiń turaqtandyrý qoryn qurý týraly kelisimge qol qoıdy. Sondaı-aq, «SQ-Farmatsııa» qoımasynan dárilik zattar apta saıyn úzdiksiz jetkizilmek.

«Atyraý oblysynyń ákimdigi jáne «Atyraý» ÁKK birlesip, turaqtandyrý qoryn qurdy. Oǵan jyl sońyna deıin 4 mıllıon 800 myń orama dárilik zat pen medıtsınalyq buıym satyp alýǵa 500 mıllıon teńge bólindi. Dáriniń 900 myń oramasy - tómendetilmeıtin qaldyq. Búgingi tańda óńirdegi qoımalarǵa 240 mıllıon teńgege 688 myń orama jetkizildi. Alǵashqy jetkizilimdi TShO kompanııasynyń ushaǵy ákeldi. Onyń 50 mıllıon teńgelik dári-dármegi men medıtsınalyq ónimi Inder, Jylyoı aýdandaryna jiberildi. Endi Qurmanǵazy aýdanyna da jóneltilmek. Al, qalǵan aýdandar dári-dármekpen jaqyn arada qamtamasyz etiledi», - dedi «Atyraý» ÁKK» AQ basqarma tóraǵasynyń birinshi orynbasary Danııar Tahanov.

Eske sala ketelik, budan buryn Atyraýda koronavırýs juqtyrǵandardyń 60 paıyzy indetten jazylyp ketken bolatyn.


Joǵary qaraı