Aýa raıy
Astana -3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda órtten bir otbasynyń 3 balasy kóz jumdy

2020 jyldyń 29 shilde 2020 11:19

AQMOLA OBLYSY. QazAqparat – Búgin tańǵy saǵat 05:19-da Aqmola oblysy Atbasar aýdany Hrıaevka aýylynda jeke turǵyn úıde 100 sharshy metr alańda órt boldy, dep habarlaıdy QazAqparat oblystyq TJD baspasóz qyzmetine silteme jasap.

«Úıde 1979 jáne 1981 jylǵy ata-ana men olardyń 2004, 2005, 2007, 2008 jyly týǵan uldary men 2012 jyly týǵan qyzynan, jeti adamnan, turatyn kópbalaly otbasy turǵan. Atbasardaǵy №4 mamandandyrylǵan órt sóndirý stantsııasyna deıingi qashyqtyq 25 shaqyrym. Órt sóndirý bólimsheleri kelgenge deıin, otaǵasy 2004 jáne 2012 jyly týylǵan eki balany jáne onyń áıelin aman qutqaryp qalǵan», - dep atap ótti baspasóz qyzmeti.

TJD málimeti boıynsha órt saldarynan úıdiń tóbe jabyndysy qulaǵan.

«Saǵat 06: 40-ta órt aýyzdyqtalyp, saǵat 08:25-te sóndirildi. Órt shyqqan orynnan úsh balanyń denesi tabyldy», - dep habarlady TJD.

Órtti sóndirýge TJD-nyń12 qyzmetkeri men 2 tehnıkasy, erikti órt sóndirý quralymdary -3 tehnıka jáne úsh adam jumyldyryldy.

Oqıǵa ornynda aýdandyq polıtsııa bóliminiń jedel-tergeý tobynyń kezekshisi jumys isteıdi.

«Otaǵasynyń aıtýynsha, tańerteńgi saǵat bes shamasynda uly ony oıatyp, veranda órtenip jatqanyn aıtqan. Er adam úıdiń terezesin syndyryp, áıeli men eki balasyn shyǵaryp alǵan. Órt tez taraǵan, óıtkeni úı tez tutanatyn materıaldardan salynǵan. Úsh balany qutqarý múmkin bolmady. Órttiń sebebi anyqtalýda, Kókshetaý qalasynan órt synamasy zerthanasyna jiberildi», - dedi Aqmola TJD basshysynyń mindetin atqarýshy Qanat Dospaev.





Avtor Aslan Ospanov
Basty sózder: Oqıǵa, Aqmola oblysy,
Joǵary qaraı