Aýa raıy
Astana 6 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq oqýshylar fızıkadan Eýropalyq olımpıadada júldeli orynǵa ıe boldy

2020 jyldyń 28 shilde 2020 02:11

NUR-SULTAN. QazAqparat - Qazaqstannyń qurama komandasy fızıka páninen ótken Eýropalyq olımpıadaǵa qatysty, dep habarlaıdy QazAqparat BǴM baspasóz qyzmetine silteme jasap.

Eýropalyq fızıkalyq olımpıada (IPhO - International Physics Olympiad) – bul daryndy oqýshylarǵa arnalǵan fızıka páninen ótetin halyqaralyq aımaqtyq olımpıada. Jarys qashyqtan onlaın ótti. Olımpıadaǵa álemniń 50-den astam elinen 250 oqýshy qatysty. Týrnırge Qazaqstannyń atynan 5 úmitker - 2019 jylǵy respýblıkalyq olımpıadanyń jeńimpazdary men júldegerleri, fızıka páninen olımpıada rezerviniń músheleri qatysty.

Olımpıada qorytyndysy boıynsha qazaqstandyq quramanyń qorjynynda bir altyn, eki kúmis jáne bir qola medal bar. Jeńimpazdar men júldegerler – Semeı qalasyndaǵy Shyǵys Qazaqstan oblystyq mamandandyrylǵan «Bilim ınnovatsııa» lıtseıiniń oqýshysy Rasýl Maǵaýın – altyn medal; Anton Draganchýk (Pavlodar qalasyndaǵy daryndy balalarǵa arnalǵan №8 mektep-lıtseıi) – kúmis medal; Raýan Qaldybaev (Nur-Sultan qalasyndaǵy Respýblıkalyq fızıka-matematıka mektebi) – kúmis medal; Mıras Qobylan (Pavlodar qalasyndaǵy daryndy balalarǵa arnalǵan №8 mektep-lıtseıi) – qola medal. Almaty qalasyndaǵy Respýblıkalyq fızıka-matematıka mektebiniń oqýshysy Alekseı ıAnchenko gramotamen marapattaldy.






Joǵary qaraı