Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

EAEO elderinde jumys izdeýge múmkindik beretin biryńǵaı júıe iske qosylady

2020 jyldyń 25 shilde 2020 13:50

NUR-SULTAN. QazAqparat - Birizdendirilgen izdeý júıesi iske qosylǵannan keıin EAEO elderiniń azamattary men uıymdary ekonomıkalyq odaqqa múshe-memleketterdegi bos jumys oryndaryn paıdalana alady jáne sol eldiń azamattaryn qyzmetke jaldaı alady, dep habarlaıdy QazAqparat.

Eýrazııalyq ekonomıkalyq odaq týraly shartta odaq sheńberinde taýarlardyń, qyzmetterdiń, kapıtaldyń jáne jumys kúshiniń erkin qozǵalysyn qamtamasyz etý kózdelgen. Búginde odaqtyń quramyna Qazaqstan, Armenııa, Belarýs, Qyrǵyzstan jáne Reseı memleketteri kiredi.

«Qazirgi ýaqytta odaqqa múshe barlyq memleketter «Shekarasyz jumys» birizdendirilgen izdeý júıesi» atty jobany iske asyrýda. Іzdeý júıesi jumysqa ornalastyrý jáne jumyspen qamtý salasyndaǵy EAEO-ǵa múshe memleketterdiń aqparattyq júıelerindegi bos jumys oryndary men jumys izdeýshiler týraly aqparatqa qol jetkizýdi qamtamasyz etedi. Jobaǵa bes eldiń qoldanystaǵy ulttyq júıeleri iske qosylǵan» dep málim etti Eńbek resýrstaryn damytý ortalyǵynan.

Qazaqstan Respýblıkasy tarapynan jobanyń úılestirýshisi - Eńbek jáne halyqty áleýmettik qorǵaý mınıstrligi, al ulttyq operatory – «Eńbek resýrstaryn damytý ortalyǵy» AQ, ulttyq júıe – elektrondyq eńbek bırjasy www.enbek.kz.

Jobany iske asyrý nátıjesinde EEB portalynda avtorlandyrylǵan paıdalanýshylar odaqtyń ulttyq júıelerinde bos oryndar men túıindemelerdi izdestire alady.

Bul rette bir nemese birneshe múshe memleketterdiń aýmaǵynda jumys izdeýdi nemese personaldy irikteýge, bos oryndar men túıindemelerdi qaraýǵa, sondaı-aq izdenýshi men jumys berýshi arasynda baılanys jasaý, tipti azamatty áńgimelesýge shaqyrý múmkindigi bolady.

EAEO múshe memleketterdiń ulttyq júıelerinde «Shekarasyz jumys» birizdendirilgen izdeý júıesin 2020 jyldyń 4-shi toqsanynda iske qosý josparlanǵan.


Joǵary qaraı