Aýa raıy
Astana 6 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý ákimdigi óz baǵasynan 4 mln teńgege qymbat ókpe apparattaryn alýdan bas tartty

2020 jyldyń 23 shilde 2020 22:08

ATYRAÝ. QazAqparat – Atyraý oblystyq densaýlyq saqtaý basqarmasy «OralMedRegıon» JShS-nen alynatyn 45 ókpeni jasandy jeldetý apparatyn jetkizýge qatysty kelisimshartty buzdy. Bul týraly oblys ákiminiń baspasóz qyzmeti málim etti, dep habarlaıdy QazAqparat.

«QR Qarjy mınıstrliginen 21 shildede Atyraý oblysynyń ákimdigine eldegi medıtsınalyq uıymdarǵa jasandy jeldetý apparattaryn satyp alý úshin QR Úkimetiniń rezervinen qarajat bólingeni jóninde aqparat tústi. Onda árqaısysy 8 mıllıon 900 myń teńge turatyn 63 jasandy jeldetý apparatyn Atyraý oblysyna jetkizý josparlanǵan. Al, «OralMedRegıon» JShS-niń Atyraý oblystyq densaýlyq saqtaý basqarmasymen jasalǵan kelisimshartynda jasandy jeldetý apparatynyń árqaısysynyń quny 13 mıllıon 285 myń teńgeni quraıdy.

Joǵaryda atalǵan kelisimshartqa sáıkes jalpy quny 597 mıllıon 825 myń teńgege 45 apparatty satyp alý josparlanǵan. Bir jasandy jedeldetý apparaty baǵasynyń aıyrmashylyǵy – 4 mıllıon 385 myń teńge. ıAǵnı, bul Úkimet rezervi esebinen satyp alynatyn qurylǵylardyń baǵasynan 50 paıyzǵa qymbat. Sol sebepten, 8,9 mln teńgeniń 45 jasandy jeldetý apparatyn satyp alý bıýdjet qarjysyn 197 mln 325 myń teńge únemdeýge, oǵan qosymsha 22 osyndaı apparat alýǵa múmkindik beredi» -dep habarlady oblys ákiminiń baspasóz qyzmeti.

QR Qarjy mınıstrliginen kelgen aqparatpen tanysqan oblystyq densaýlyq saqtaý basqarmasy atalǵan jaǵdaılardy eskere otyryp, «OralMedRegıon» JShS-ne 2020 jylǵy 21 shildede tirkelgen kelisimshartty buzý týraly hat joldaǵan.

Eske sala ketelik, buǵan deıin Atyraýda munaıshylar aýrýhanaǵa 40 ottegi ballonyn alyp bergen edi.



Avtor Bek Mustafa
Basty sózder: Ákimdik, Atyraý oblysy,
Joǵary qaraı