Aýa raıy
Astana -6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Koreıa densaýlyq saqtaý salasyndaǵy yntymaqtastyqty nyǵaıtady

2020 jyldyń 16 shilde 2020 19:40

NUR-SULTAN. QazAqparat - QR Densaýlyq saqtaý mınıstri Alekseı Tsoı Koreıa Respýblıkasynyń Qazaqstandaǵy Tótenshe jáne Ókiletti Elshisi Ký Hong-sok myrzamen onlaın-keńes ótkizdi. Bul jóninde vedomstvonyń baspasóz qyzmetine silteme jasap QazAqparat habarlaıdy.

Kezdesý barysynda taraptar eki eldegi epıdemıologııalyq jaǵdaıdy, pandemııanyń damý erekshelikterin jáne koronavırýs juqtyrǵan patsıentterge medıtsınalyq kómek kórsetý, Qazaqstan men Koreıanyń yntymaqtastyǵyna qatysty ózekti máselelerdi, onyń ishinde densaýlyq saqtaý, medıtsınalyq bilim jáne ǵylym salasyndaǵy tájirıbe men bilim almasýdy talqylady.

Koreı tarapy COVID-9 qarsy kúrestegi tájirıbesimen jáne ınfektsııalyq aýrýlardyń bolashaqta órship ketýine jol bermeý qoıý úshin densaýlyq saqtaý júıesin nyǵaıtý boıynsha sharalardy bólisti.

Alekseı Tsoıdyń aıtýynsha, halyqaralyq yntymaqtastyq pen ózara qoldaý COVID-19 qarsy kúreste úlken mańyzǵa ıe. Koreıanyń koronavırýspen kúreste tájirıbesi mol, sondyqtan yntymaqtastyq pandemııaǵa baılanysty týyndaǵan birqatar problemany sheshýge, ásirese COVID-19 baqylaý isinde bilim men ozyq praktıka almasýǵa kómektesedi.

Kezdesý qorytyndysy boıynsha densaýlyq saqtaý salasyndaǵy Qazaqstan-Koreı yntymaqtastyǵyn odan ári damytý, atap aıtqanda COVID-19 boıynsha ádisnama, jaǵdaıdy boljaý, modeldeý jáne t. b. boıynsha onlaın rejımde mamandardy oqytý semınarlaryn ótkizý jónindegi ýaǵdalastyqqa qol jetti.

Sondaı-aq, taraptar ekijaqty yntymaqtastyqty qysqa merzimdi, orta merzimdi jáne uzaq merzimdi perspektıvalarǵa strategııalyq damytý týraly sheshim qabyldady, bul sózsiz ózara tıimdi áriptestikke serpin beredi.


Joǵary qaraı