Aýa raıy
Astana 10 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Reseıde bir táýlikte 6 537 adamnan koronavırýs tabyldy

2020 jyldyń 13 shilde 2020 16:48

MÁSKEÝ. QazAqparat – Reseı koronavırýspen kúres jedel shtabynyń málimetinshe, búgingi kúni 85 óńirdiń tek 8-i ǵana shekteýdiń úshinshi kezeńine kóshken. Reseıdiń basqa aımaqtarynda qatań shekteý sharalary saqtalǵan dep habarlaıdy QazAqparattyń Máskeýdegi menshikti tilshisi.

Kezeńge qaramastan, barlyq aımaqta qoǵamdyq orynda áleýmettik qashyqtyq saqtaý talap etiledi.

Reseı Densaýlyq saqtaý mınıstrliginiń bas ınfektsıonısi, professor Vladımır Chýlanov KVI ekinshi tolqynyna aldyn alý sharalaryn saqtaý – maska taǵý, qoldy jıi jýý, áleýmettik qashyqtyq saqtaý jáne naýqastanǵan adamdardyń oqshaýlanýy kedergi bolady dep esepteıdi. Sonymen qatar kez kelgen adam kóp jınalǵan jer – vırýstyń taralý oshaǵy. Bul týraly RF Densaýlyq saqtaý mınıstrliginiń baspasóz qyzmeti habarlady.

V.Chýlanovtyń pikirinshe, aldyn alý sharalarynyń arqasynda RF-ǵy jeke sýbektilerdegi koronavırýs indetiniń taralýy azaıdy, biraq jaǵdaı kez kelgen ýaqytta ózgerýi múmkin.

«Muny bir shaıqastaǵy kishigirim jeńis dep aıtýǵa bolady, biraq soǵys áli aıaqtalǵan joq. Biz kúnde jańa vırýs juqtyrý oqıǵalaryn tirkep jatyrmyz, keı aımaqtarda indet órship tur, ıaǵnı ınfektsııanyń taralý qaýpi saqtalady. Oń ózgeristi saqtap qalý úshin qarapaıym saqtyq erejelerin oryndaý qajet. Onyń negizgisi – qoǵamdyq orynda maska taǵý», - dep atap ótti ol.

Rospotrebnadzordyń dereginshe, qazirgi kúni Reseıdiń 85 óńirinde 733 699 vırýs juqtyrý oqıǵasy tirkeldi, onyń ishinde 6 537 adamnan vırýs sońǵy táýlikte anyqtalǵan. Jalpy ınfektsııadan 11 439 naýqas qaıtys bolyp, 504 021 adam jazylyp shyqty. Syrqatqa shaldyqqandar sany Máskeý men Sankt-Peterbýrgte kún saıyn ósip jatyr.

Reseıde vırýs juqtyrǵandar sany boıynsha el astanasy kósh bastap tur. Munda 230 029 adam ınfektsııa juqtyrǵan.


Basty sózder: Koronavırýs, Reseı, Statıstıka, Oqıǵa,
Joǵary qaraı