Aýa raıy
Astana 12 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Almaty ákimdigi dári-dármek tapshylyǵy neden týyndaǵanyn túsindirdi

2020 jyldyń 13 shilde 2020 14:39

ALMATY. QazAqparat – Búgin Almaty ákiminiń orynbasary Saparbek Tuıaqbaev dári-dármekke qatysty onlaın brıfıng ótkizdi, dep habarlaıdy QazAqparat tilshisi.

Onyń aıtýynsha, osydan 2 apta buryn pandemııaǵa baılanysty jekelegen dárilerge suranys edáýir ósip ketken bolatyn.

«Paratsetamoldy qalanyń jalpy tutynýy mamyr aıynda 50 myń bolsa, sońǵy eki aptada kúnine 100 myń satyldy. Jyl boıy temometrdiń 100 myńy saýdalansa, 2-3 kúnde 50 myń temometr satylyp ketti. Tutynýdyń, suranystyń ósýine baılanysty da tapshylyq týyndap otyr. Qazir máseleni turaqtandyrý úshin kúnine 2 ret monıtorıng jasap otyrmyz. Bastapqyda dárihanalardyń ınfraqurylymy suranysqa daıyn emes bolatyn. Másele sheshildi. Qazir sońǵy 1 aptada úlken dúrligý joq», - dedi Saparbek Tuıaqbaev.

Onyń aıtýynsha, 1 shildeden bastap Almaty dárihanalaryna 900 myńǵa jýyq dári jetkizilgen.

«Odan bólek kúndelikti búkil kompanııalarda, dárihanalar qoımasynda da dáriniń bizdegi qoryna monıtorıng jasap otyrmyz. 846 myń dana dári bar.

1 aı kóleminde 3 mln 685 kelisimshart jasalǵan.

Paratsetamoldyń 185 myń danasy bar. 16 shildeden bastap aı sońyna deıin 2,2 mln qaptamasy keledi. Sondyqtan, keıbir azamattardyń dári joq dep dabyl qaqqany shyndyqqa sáıkespeıdi», - dedi Tuıaqbaev.


Joǵary qaraı