Aýa raıy
Astana 11 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy koronavırýs indetinen qaza bolǵandardyń týystary men jaqyndaryna kóńil aıtty

2020 jyldyń 13 shilde 2020 08:56

NUR-SULTAN. QazAqparat - Qazaqstan Respýblıkasynyń Tuńǵysh Prezıdenti – Elbasy koronavırýs indetinen qaza bolǵandardyń týystary men jaqyndaryna kóńil aıtty.

Bul týraly búgin Elbasynyń resmı saıty habarlady.

«Qurmetti qazaqstandyqtar!

Búginde Qazaqstan buryn-sońdy bolmaǵan kúrdeli ahýalmen betpe-bet kelip otyr. Qaýipti indet bizdiń qalalarymyz ben aýyldarymyzǵa tarap, ókinishke qaraı, adam shyǵyny oryn alyp jatyr.

Memleket basshysynyń sheshimimen 13 shilde koronavırýs indetinen qaıtys bolǵan azamattardy eske alý ­– Ulttyq aza tutý kúni bolyp jarııalandy.

Alapat dert bizdiń adamdarymyzdyń ómirin qıyp áketýde. Bul bárimizdiń qabyrǵamyzdy qaıystyryp otyr. Árbir kisi óliminiń artynda qara jamylǵan biraz adamnyń ­– ákeler men analardyń, qyzdarymyz ben uldarymyzdyń, dos-jarandarymyzdyń qaıǵy-qasireti tur.

Mezgilsiz qaza bolǵandardyń týǵan-týystary men jaqyndaryna qaıǵylaryna ortaqtasyp, kóńil aıtamyn.

Biz bereke-birlik pen tutastyqtyń arqasynda talaı synaqtan súrinbeı óttik. Bul qıyndyqty da el bolyp eńseremiz dep senemin»,-delingen kóńil aıtý habarlamasynda.


Joǵary qaraı