Aýa raıy
Astana -2 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda blokpostar qoıylmaıdy

2020 jyldyń 11 shilde 2020 09:30

ATYRAÝ. QazAqparat –Atyraý oblysynda koronavırýs ınfektsııasy órship turǵanymen, blokposttar qoılymaıdy, dep habarlaıdy QazAqparat tilshisi.

Atyraý oblysynyń ákimi Mahambet Dosmuhambetovtiń málim etýinshe, epıdemıologııalyq jaǵdaı kúrdelenetin bolsa, qosymsha qatań shekteýler engizilýi múmkin .

«Oblys turǵyndaryn qaýipsizdik sharalaryn saqtaýǵa, jaýapkershilikti sezinýge shaqyramyn. Áleýmettik qashyqtyqty jáne maska rejımin saqtap, jeke gıgıena týraly umytpaǵan jón. Eger, jaǵdaı odan ári kúrdelenetin bolsa, biz karantın rejımin qatańdatýǵa májbúr bolatyndyǵymyzdy eskertemin. Muny aldaǵy eki apta kórsetedi», - dedi oblys ákimi.

Eske sala ketelik, QR Premer-Mınıstriniń orynbasary Eraly Toǵjanov Atyraý oblysy koronavırýs juqtyrýdan kósh bastap turǵanyn habarlaǵan edi.



Joǵary qaraı