Aýa raıy
Astana 8 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda dárihana paratsetamol men aspırındi zańsyz saýdalap kelgen

2020 jyldyń 10 shilde 2020 05:02

PETROPAVL. QazAqparat – Petropavldaǵy dárihanalardyń birinen bir jarym myńǵa jýyq plastına dárilik preparat tárkilendi, dep habarlaıdy QazAqparat tilshisi.

Soltústik Qazaqstan oblystyq Polıtsııa departamenti baspasóz qyzmetiniń málimetinshe, esirtki qylmysyna qarsy is-qımyl bóliminiń mamandary Petropavldaǵy dárihanalarǵa tekseris júrgizdi. Osyndaı monıtorıngtik is-sharalardyń barysynda dárihanalardyń birinen Qazaqstanda satýǵa tirkelmegen preparattar tabyldy. Qujatsyz, zańsyz saýdaǵa shyǵarylǵan 458 qorap paratsetamol jáne 83 plastına aspırın tárkilenip, Medıtsınalyq jáne farmatsevtıkalyq qyzmetti baqylaý komıtetiniń SQO boıynsha departamentine berildi. Mekeme qyzmetkerleri zań boıynsha shara qoldanyp, tárkilengen ónimniń bolashaǵyn sheshedi.

Qazirgi tańda polıtsııa qyzmetkerleri jáne basqa da ýákiletti organ ókilderi dári-dármekke qatysty baǵany negizsiz ósirý jáne basqa da zańǵa qaıshy derekterdi anyqtaý maqsatynda is-sharalardy qolǵa aldy. Osyndaı monıtorıngtik tekseristerdiń birinde tártip saqshylary oblystyq ekonomıkalyq tergeý departamentiniń qyzmetkerlerimen birge «Aspırın Kardıo» preparatynyń asa qymbatqa satylyp jatqanyn anyqtady. Bir kún buryn oblys ortalyǵyndaǵy taǵy bir dárihanada vırýsqa qarsy «Ingavırın» preparaty men «Azıtromıtsın» antıbıotıginiń qymbat baǵaǵa satylyp jatqandyǵynyń beti ashyldy.

«Bizdiń mindetimiz – halyqtyń qaýipsizdigin qamtamasyz etý. Qolǵa alynǵan monıtorıngtik is-sharalar halyqtyń quqyǵyn qorǵaýǵa baǵyttalǵan. Medıtsınalyq preparattar zańsyz satylǵan jaǵdaıda nemese baǵasyn qymbattatyp jiberse polıtsııaǵa aryzdaný kerek. Biz tekserip, tıisti sharalardy qoldanamyz», - deıdi SQO Polıtsııa departamentiniń bastyǵy Marat Tólebaev.


Joǵary qaraı