Aýa raıy
Astana -4 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Sımptomsyz koronavırýsty úıde emdeýde qandaı qatelikterge jol bermeý kerek

2020 jyldyń 8 shilde 2020 13:22

NUR-SULTAN. QazAqparat – Medıtsına ǵylymdarynyń doktory, joǵary sanatty dáriger Raýshan Qarabaeva koronovırýs ınfektsııasy bar sımptomsyz jáne sımptomy az naýqastardyń úıde emdelý joldaryn túsindirdi, dep habarlaıdy QazAqparat tilshisi.

«Koronavırýs ınfektsııasynyń sımptomy az nemese sımptomsyz naýqastar úıde emdelýi kerek. Árıne, olar ózdiginen em qabyldap jatyr jáne dárigerler mundaı naýqastardyń em-domyn rettep otyrýy kerek. Koronavırýstyń sımptomy az túri patogenetıkalyq emdeýdi, dálirek aıtqanda vırýsqa qarsy, antıbakterııalyq, trombqa qarsy preparattar taǵaıyndaýdy qajet etpeıdi. Mundaı patsıentter emdeý-saqtaný rejıminde aqýyzy kóp tamaq jep, suıyqtyqty kóp ishýi kerek. Olarǵa S, D dárýmenderi jáne dene qyzýy kóterilgen jaǵdaıda Paratsetamol, Ibýprofen syndy qyzý túsiretin dáriler taǵaıyndalady», - dedi dáriger Ortalyq kommýnıkatsııalar qyzmetinde ótken onlaın konferentsııada.

Onyń aıtýynsha, S dárýmeniniń úlken dozasy taǵaıyndalǵan jaǵdaıda, búırek aýrýlarynyń, nesep-tas aýrýynyń kúsheıýi múmkin ekendigin este saqtaǵan jón.

Eger dene qyzýy 38 gradýstan asqanda, bulshyqet aýyryp, álsizdik baıqalsa, bas aýyryp, jótel paıda bolsa, keýde tusy aýyrsa dárigerge júginip, ókpe qabynýynyń aldyn alý kerek. Ol úshin kókirek qýysyna rentgenologııalyq zertteý nemese kompıýterlik tomografııa júrgiziledi.

«Koronavırýs ınfektsııasyndaǵy etıotropty (negizgi) em – vırýsqa qarsy preparattar taǵaıyndaý. Qazirgi ýaqytta KVI emdeý úshin Lopınavır/Rıtonavır, Gıdroksıhlorohın, Favıpıravır jáne Remdesevır syndy dárilik zattar jazylady. Bul rette atalǵan dárilerdiń belgili bir qaýip tóndiretinin, júrek pen baýyrǵa ýytty áser etetinin atap ótken jón. Osyǵan baılanysty sımptomy az jáne sımptomsyz naýqastarǵa bul dárilerdi ózdiginen qabyldaýdyń qajeti joq. Bul preparattardy dárigerler ǵana statsıonarlyq jaǵdaıda bere alady», - dedi Raýshan Qarabaeva.


Joǵary qaraı