Aýa raıy
Astana 8 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Medsaqtandyrý: Ókpege kompıýterlik tomografııany tegin jasatý nelikten qıyn

2020 jyldyń 8 shilde 2020 10:47

NUR-SULTAN. QazAqparat – «Áleýmettik medıtsınalyq saqtandyrý qory» AQ ókpege kompıýterlik tomografııany (KT) tegin jasatý nelikten qıyn ekenin túsindirdi, dep habarlaıdy QazAqparat.

Málim etilgendeı, Áleýmettik medıtsınalyq saqtandyrý qory (ÁMSQ) bekitilgen tarıfter boıynsha konsýltatsııalyq-dıagnostıkalyq qyzmetterdi qarjylandyrady. Oǵan KT jáne MRT kiredi.

Búgingi kúni ÁMSQ-da KT boıynsha - 140-qa jýyq, MRT qyzmeti boıynsha 100-ge jýyq jetkizýshi tirkelgen. Bul rette, KT qyzmetin kórsetýshilerdiń deni - Nur-Sultan, Almaty qalalarynda, Qaraǵandy, Shyǵys Qazaqstan, Almaty oblystarynda, MRT boıynsha - Almaty, Shymkent, Nur-Sultan qalalarynda, Jambyl, Túrkistan jáne Shyǵys Qazaqstan oblystarynda ornalasqan.

Qazir syrqattanýdyń artýyna baılanysty KT apparattarynyń jetispeýshiligi baıqalady. Bul rette, jeke klınıkalar ókpeniń kompıýterlik tomografııasyna baǵany aıtarlyqtaı arttyryp jibergen.

«Tıisinshe, osy qyzmetti mindetti áleýmettik medıtsınalyq saqtandyrý (MÁMS) sheńberinde kórsetý kólemi tómendedi, Sebebi ónim berýshiler olardy aqyly negizde usynýǵa múddeli», - dedi qordan.

Jabdyqtardyń qymbattyǵyna baılanysty kompıýterlik tomografııa apparattary kóbine ortalyq qalalarda ornalasqan. Osy rette, dárigerler dıagnostıkanyń balama túri - rentgen-zertteýdi usynady. Óńirlerde ol qoljetimdi.

ÁMSQ kompıýterlik tomografııa qyzmetteri saqtandyrylǵan patsıentterge MÁMS júıesi aıasynda ambýlatorııalyq deńgeıde tegin kórsetiletinin atap ótti.

«Ol úshin tıisti sımptomdar bolǵan jaǵdaıda tirkelgen jeri boıynsha emhanaǵa júginý kerek. Ýchaskelik dáriger belgilerdi anyqtaǵan kezde, KT-nyń tegin qyzmetine joldama beredi. Bul jaǵdaıda ol MÁMS arqyly ótedi jáne qor qarajatty tóleıdi», - dep naqtylady mekemeden. .

Birinshi toqsannyń qorytyndysy boıynsha KT jáne MRT kórsetilgen qyzmetter sany ótken jyldyń uqsas kezeńimen salystyrǵanda 5 ese, al qarjylandyrý kólemi – 7 ese (269 mln teńgeden 2 mlrd teńgege deıin) artqan.


Joǵary qaraı