Aýa raıy
Astana 12 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Dekrettik demalys aqysy men jórgekpul alatyndar onlaın ótinish bere alady

2020 jyldyń 6 shilde 2020 00:45

NUR-SULTAN. QazAqparat - Júktilik pen bosanýǵa baılanysty tólemderdi taǵaıyndaý úshin onlaın ótinish berýge bolady, dep habarlaıdy QazAqparat «Ulttyq aqparattyq tehnologııalar» AQ baspasóz qyzmetine silteme jasap.

«Elektrondyq úkimet» portalynda júktilik pen bosanýǵa baılanysty tabysynan aıyrylǵan jaǵdaıda áleýmettik tólem taǵaıyndaý úshin ótinim berý múmkindigi qarastyrylǵan.

«Biz sizderdiń pikirlerińizdi árqashan muqııat qadaǵalaımyz, taldaımyz jáne nátıjeni basshylyqqa ala otyryp, qyzmetter men servısterimizdi jaqsartýǵa tyrysamyz. Sondyqtan kóptegen ótinishter boıynsha júktilik pen bosanýǵa baılanysty tabysynan aıyrylǵan jaǵdaıda áleýmettik tólem taǵaıyndaýǵa ótinishti onlaın berý múmkindigin jańartý týraly sheshim qabyldandy», - dep túsinikteme berdi «Ulttyq aqparattyq tehnologııalar»AQ Basqarma tóraǵasy Áset Turysov.

Qyzmetti alý úshin birinshi kezekte portalda avtorızatsııadan ótý qajet. Sodan keıin portaldyń basty betinde «Elektrondyq ótinishter» servısin tańdap, qyzmetke tapsyrys berý qajet. Odan ári ashylǵan terezede «Qurý» batyrmasyn basý kerek. Budan keıin «Memlekettik kórsetiletin qyzmettiń ataýy» baǵanynda «Júktilik pen bosanýǵa baılanysty tabysynan aıyrylǵan jaǵdaıda áleýmettik tólem taǵaıyndaý» qyzmetin tańdap, qajetti alańdardy toltyrý qajet.

Qajet qujattardyń tizimimen jáne ótinish úlgisimen portalda tanysýǵa bolady.

Qyzmetti myna siltemede alýǵa bolady.


Joǵary qaraı