Aýa raıy
Astana 13 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Qordaıdan Shýǵa attanǵan 500-ge jýyq dúngen otbasy 150 gektar jerge pııaz ósirýde

2020 jyldyń 5 shilde 2020 08:45

TARAZ. QazAqparat – Kóktemde Jambyl oblysynyń Qordaı aýdanynynda dástúrli túrde kókónis daqyldaryn ósirýmen aınalysatyn dúngen otbasylary Shý aýdanyna attanǵan bolatyn, dep habarlaıdy QazAqparat tilshisi.

Shý aýdanyna jumys sapary barysynda Jambyl oblysynyń ákimi Berdibek Saparbaev fermer Luqmar Sandýrov pen taǵy eki otbasynyń egis alqaptaryna atbasyn burdy. Olar 150 gektar jerge pııazdyń «Manas» sortyn ósirýde. Bul týraly oblys ákiminiń baspasóz qyzmeti habarlady.

«Masanshy aýylynyń turǵyndary magıstraldy kanaldyń jaǵasyna qýatty sorǵysh pen sý rezervýaryn ornatyp, sol arqyly tamshylatyp sýarý ádisin qoldanyp otyr. Dıqanshylardyń aıtýynsha, bıyl olar bir gektardan kem degende 80 tonnadan pııaz jınaýǵa nıetti. Ónimin elimizdiń ár aımaqtaryna jetkizbek» delingen baspasóz qyzmetiniń habarlamasynda.

Aıta ketý kerek, bıyl Qordaı aýdanynan 467 dúngen otbasy Shýǵa kelip, egis jumystaryn júrgizý úshin 8300 gektardan astam jer alǵan. Qordaı aýdanyndaǵy qaıǵyly oqıǵalardan keıin keıbireýler dúngen aǵaıynnyń iskerlik belsendiligine qatysty teris boljam jasaǵan bolatyn.

Degenmen, búgingi tańda bul eńbekqor halyqtyń ókilderi ózderiniń súıikti isimen aınalysyp, qunarly Shý óńirinde egistik jumystaryn sátti júzege asyrýda.

Berdibek Saparbaev L.Sandýrovqa pııaz ósiminiń jaqsy jaǵdaıy úshin rızashylyǵyn jetkizip, qoldanylǵan tyńaıtqyshtyń sapasy, jumyldyrylǵan eńbek kúshi men jalaqy mólsheri týraly surady.

Sonymen qatar, ónimdi kelesi kóktemge deıin shyǵynsyz saqtap otyrý úshin qolaıly qoıma salýǵa keńes berdi.








Joǵary qaraı