Aýa raıy
Astana 9 °S
Almaty 19 °S
valıýta baǵamy
USD 421.58
EUR 496.83
RUB 5.53
CNY 62.20

Tólebı aýdanynda sel shaıyp ketken 42 úı qaıtadan turǵyzylyp jatyr

2020 jyldyń 5 shilde 2020 06:10

TÓLEBI. QazAqparat - Túrkistan oblysynyń ákimi Ómirzaq Shókeev tabıǵat apatynan zardap shekken Tólebı aýdanyn aralap, turǵyndarmen tildesti. «Alataý» móltek aýdanynda boı kóterip jatqan úılerdiń qurylysyn qadaǵalap qaıtty, dep habarlaıdy QazAqparat.

Aýdanda selden zaqym kelgen 42 úı qaıta salynýda. Onyń 8-de shatyry jabylyp, esik-terezeleri ornatylǵan. Qazir ishki elektr jelisin ótkizý men sylaq jumystary júrgizilýde.

Qurylysshylar sondaı-aq qalǵan 32 úıdiń shatyryn jabýǵa kirisken. Taǵy eki úıdiń qabyrǵasy qalanyp jatyr.

Aımaq basshysy sapar barysynda baspanalaryna zaqym kelgen Tólebı aýdanynyń ortalyǵy Lengir qalasy men Kıeli tas aýyl okrýginiń turǵyndarymen kezdesip, oı-pikirlerin tyńdady. Jergilikti aýqymdaǵy tabıǵı sıpattaǵy tótenshe jaǵdaıdan zardap shekkenderdiń jartysyna jýyǵy - kópbalaly otbasylar.

Kezdesý barysynda barlyǵy da atqarylyp jatqan jumysqa rızashylyǵyn bildirdi.




Ómirzaq Estaıuly óz tarapynan merdiger kompanııa ókilderine úılerdiń sapaly júrgizilýin tapsyryp, turǵyndardyń barlyq jaǵdaıy eskerilýi kerektigin basa aıtty.




Eske sala keteıik, 13 mamyr kúni nóser jaýynnyń saldarynan Tólebı aýdanyndaǵy ózenderdiń sý deńgeıi kóterilip, aryq-atyz, qyr-saılardan jınalyp aqqan jańbyr sýynan 6 eldi mekendegi 250 turǵyn úılerdiń aýlasyna sý kirgen bolatyn.




Taýly aımaqtarda júrgen selden úıler men joldardy sý shaıyp, birneshe kópir qıraǵan edi. Arnaıy komıssııa qurylyp, sel saldary shuǵyl túrde joıyldy.




























Joǵary qaraı