Aýa raıy
Astana -8 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Іndet kezinde ár adam densaýlyǵyn, aman qalýyn oılaýy tıis - Irına Terenteva

2020 jyldyń 3 shilde 2020 17:33

KÓKShETAÝ. QazAqparat - «Aqmola oblysynyń azamattyq alıansy» zańdy tulǵalar birlestiginiń tóraıymy Irına Terenteva karantındik sharalardy qatańdatý týraly pikir bildirdi, dep habarlaıdy QazAqparat tilshisi.

Onyń aıtýynsha, elimiz boıynsha jarııalanǵan karantındik sharalardy qatańdatý mańyzdy.

«Biz ár bireýimiz ózimizdiń jaqyndarymyzdyń densaýlyǵyn qalaı oılasaq, memleketimiz de solaı halyqtyń jaǵdaıyn oılaıdy. Ásirese, óz úıimizden shyǵyp, kópshilik oryndarǵa barǵanda qaýip te kúsheıedi. Adamdar qanshalyqty saqtyq sharalaryn qolǵa alǵanymen ózimizdi júz paıyz qaýipsiz ete almaımyz. Óıtkeni, adam bolǵan soń olardyń barlyǵy birdeı emes. Keıbiri vırýsqa senbese, endi biri odan qorqady, tipti keıbirine bári bir. Sol sebepti, biz jeke keńistikten shyqqanda ózimiz men ózimizdiń jaqyndarymyzdyń densaýlyǵyn qaýipke tigemiz. Budan bólek, búgingi tańda bul indetke ǵylym men medıtsınanyń qanshalyqty daıyn ekendigi týraly naqtyly bir málimet joq. Osyǵan oraı, memleket karantındik sharalardy qatańdatý týraly sheshim qabyldap otyr. Men ony durys dep esepteımin», - deıdi Irına Terenteva.

Sonymen qatar, ol dál osyndaı jaǵdaıdy barlyǵy bastan ótkizip jatqandyǵyn aıtady.

«Qazirgi kezde kez kelgen adamnan surasańyz barlyǵy da «eń bastysy denimniń saýlyǵy jáne aman qalýym mańyzdy» dep jaýap beredi», - dep tolyqtyrdy Irına Terenteva.


Joǵary qaraı