Aýa raıy
Astana 13 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Toı barlyq óńirde bolyp jatyr - Bas memlekettik sanıtar dáriger

2020 jyldyń 3 shilde 2020 12:51

NUR-SULTAN. QazAqparat – QR bas memlekettik sanıtar dárigeri Aıjan Esmaǵambetova toı-jıyndar bolǵan jerde KVI juqtyrǵandardyń sany ósip ketetinin jetkizdi, dep habarlaıdy QazAqparat tilshisi.

«Halyqty aldyn alý sharalaryn saqtaýǵa shaqyrýda sharshamaımyz. Áıtse de kóp adamnyń talaptardy saqtaıtynyn da atap ótý kerek. Dese de búgingi kúni áleýmettik jeliler arqyly da, týǵan-týystarymyzdan estigenimizdeı, halyq ártúrli toı-jıyndy – týǵan kúnderdi, eske alý rásimderin de ótkizýde. Mundaı sharalar barlyq óńirde bolyp jatyr. Osy jıyndardan keıin ókinishke qaraı bári de 100 paıyz - KVI juqtyryp alatynyn baıqaımyz. Adamdar mundaı jıyn-toılardan kelip, vırýsty úıine taratady. Osylaısha adamdar vırýsty júzdep juqtyrýda», - dedi Aıjan Esmaǵambetova OKQ-daǵy baspasóz máslıhatynda tilshilerdiń suraǵyna jaýap bere otyryp.

Onyń aıtýynsha, ınfektsııa qoǵam ishinde osylaı taralýda.

«Bárimiz de qarapaıym erejelerdi saqtamaı, indettiń keń taraýyna jol berip otyrmyz. Sol sebepti taǵy da aıtarym: koronavırýsty jeńý – ózimizge baılanysty. Árbirimiz qanshalyqty erejeni ustana bilsek, sonshalyqty indetti tez eńseremiz», - dedi ol.


Joǵary qaraı