Aýa raıy
Astana 12 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Astanada táýligine 45 myń maska shyǵaratyn zaýyt iske qosyldy

2020 jyldyń 2 shilde 2020 12:35

NUR-SULTAN. QazAqparat - Astanada maska shyǵaratyn taǵy bir kásiporyn ashyldy, dep habarlaıdy QazAqparat.

Bul jóninde Aıdar Mahambet atty qoldanýshy Facebook paraqshasynda jazdy.

«Myna indetke qarsy kúresý úshin bizdiń dostarymyz elordamyzda jańa maska zaýytyn iske qosqaly tur. Áli sertıfıkattaryn alý kerek, odan keıin zaýyttyń ónimin satyp alýǵa bolady. Atap aıtqanda «Bolashaq 2019» JShS táýligine 45 myń betperde shyǵarady» dep jazady Aıdar Mahambet.

Eske sala keteıik, 30 maýsymdaǵy jaǵdaı boıynsha, elimizde táýligine 772 myń betperde óndiriledi. Onyń ishinde farmatsevtıkalyq kásiporyndar - 567 myń, tigin kásiporyndary - 204 myń dana tigedi. Qoımalarda 4 mln astam betperde bar. Tıisti aqparat «SQ-Farmatsııa» JShS-ne berilip turady. Óz kezeginde QR Densaýlyq saqtaý mınıstrligi óndirilgen ónimdi el óńirlerine bóledi.

Búginde dáke jáne bózden tigilgen betperdeler atqarýshy organdarmen jasalǵan shart negizinde jetkiziledi.

Qazirgi kezde betperde óndirisi QR Indýstrııa jáne ınfraqurylymdyq damý mınıstrliginiń qatań baqylaýyna alyndy. Qosymsha óndiristi iske qosý jáne óndiristi keńeıtý nátıjesinde betperdeler óndirisiniń kólemi táýligine 1 mln danaǵa jetti.


Joǵary qaraı