Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodarda «bomba qoıylǵan» úıden 30 adam evakýatsııalandy

2020 jyldyń 1 shilde 2020 13:52

PAVLODAR. QazAqparat – Kámelet jasyna tolmaǵan Pavlodar turǵyny telefonmen muǵalimine «qaljyńdap» jarylǵysh zat jasyryp qoıǵanyn aıtqan, dep habarlaıdy QazAqparat tilshisi.

«Pavlodarlyq polıtseıler jarylǵysh zat týraly jalǵan aqparat habarlaǵan 15 jasar jasóspirimdi ustady», - dep málim etti Pavlodar oblystyq polıtsııa departamentinen.

30 maýsymda jedel basqarý ortalyǵyna Pavlodar turǵynynan telefon qońyraýy túsken. Ol uıaly telefonyna belgisiz adam habarlasyp, Nazarbaev dańǵylynyń boıyndaǵy páterlerdiń birine «bomba qoıylǵanyn» málimdegenin aıtqan.

Departamenttiń málimetinshe, oqıǵa ornyna barlyq jedel áreket kúshteri jiberilgen.

«Úı men páterdi tekserý kezinde eshqandaı jarylǵysh zat tabylmaǵan. Polıtsııa qyzmetkerleri 30 turǵyndy, onyń ishinde 10 balany evakýatsııalady. Jedel qyzmet júrgizgen sharalar nátıjesinde 2004 jylǵy kámelet jasyna tolmaǵan jasóspirim anyqtalyp, ustaldy. Onyń aıtýynsha, ol úıinde otyryp, muǵalimimen «qaljyńdaspaq» bolǵan jáne jarylǵysh zat týraly aıtqan», - dedi departamentten.

Jasóspirim anasymen birge polıtsııaǵa jetkizildi.

QR QK 273-baby boıynsha sotqa deıingi tergeý jumystary bastaldy.


Basty sózder: Pavlodar oblysy, Oqıǵa,
Joǵary qaraı