Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdenti EAEO-da taýar taratýdyń ortaq jelisin qurýdy usyndy

2020 jyldyń 19 mamyr 2020 18:13

NUR-SULTAN. QazAqparat - Joǵarǵy Eýrazııalyq ekonomıkalyq keńestiń shaǵyn quramdaǵy onlaın otyrysynda Qazaqstan Prezıdenti Qasym-Jomart Toqaev EAEO elderine taýar taratýdyń ortaq jelisin qurýdy usyndy, dep habarlaıdy QazAqparat tilshisi.

«Búkil álemde daǵdarys jaǵdaıynda satyp alýshy suranysy tómendep, kásiporyndar jabylady, tarıhı kólik baılanystary úziledi. Mundaı kezde kólik-logıstıkalyq qyzmetterdi damytý qajet. Elderimiz geografııalyq turǵyda ońtaıly ornalasqan. Alaıda, qolda bar áleýet áli júzege asyrylǵan joq. Bul jumystar aıasynda biz ultústilik taýar ótkizý júıesin qurýǵa kirisip kettik. 2020 jylǵa qaraı ol 24 kóterme-taratý ortalyǵynan turatyn bolady», - dedi QR Prezıdenti.

Memleket basshysynyń aıtýynsha, bul shamamen 5 mln tonna agroónimdi saqtaýǵa, óńdeýge jáne taratýǵa múmkindik beredi.

«Odaqtyń múddelik tanytatyn elderine taýar taratýdyń ortaq jelisin qurý múmkinshiligin qarastyrýdy usynamyn. Sonymen qatar Odaǵymyzǵa múshe memleketterge bul bastamaǵa ınvestorlar, merdigerler, paıdalanýshylar retinde belsendi qatysýdy usynamyn», - dedi Qasym-Jomart Toqaev.


Joǵary qaraı